- Скопските гимназии како „Јосип Броз Тито“, „Орце Николов“ и „Раде Јовчевски-Корчагин“ не се наполнија ниту во вториот уписен рок за учебната 2023/2024 година. Конкурсот за запишување ученици е завршен само за „Никола Карев“ и „Георги Димитров“ во Скопје.
- Во двете пријавување вкупно се запишаа 15.481 ученик од кои: 11.325 ученици за настава на македонски наставен јазик, 3.852 ученици за настава на албански наставен јазик, 298 ученици за настава на турски наставен јазик и 6 ученици за настава на српски наставен јазик.
- Во двете пријавувања запишани се вкупно: 4.603 ученици во гимназиско образование и 10.277 ученици во стручно образование.
- Илон Маск најави дека од мај ќе го намали ангажманот во Канцеларијата за владина ефикасност, за да се посвети повеќе на својата компанија „Тесла“, која е во длабока криза.
- Акциите на „Тесла“ изгубија 40% од вредноста додека Маск како влијателен советник во Белата куќа ја водеше кампањата за намалување на федералните трошоци на САД и за кастрење на непотребната администрација.
- Маск се пофали дека канцеларијата ДОГЕ скратила трошоци во вредност од 160 милијарди долари. Во исто време вредноста на „Тесла“ се намали за 600 милијарди долари.
- „Ќе поминувам по ден или два неделно на владини прашања, сè додека претседателот сака да го правам тоа“, најави Маск.
- Рекорден број од 7,3 милиони Канаѓани, што е една четвртина од гласачкото тело, веќе го искористиле правото на глас, иако сè уште трае кампањата за парламентарните избори на 28 април.
- Согласно изборните правила, гласачките места во Канада беа отворени и за време на велигденските празници. Само во петокот гласале 2 милиони луѓе.
- На изборите во 2021 година, предвреме гласале околу 6 милиони луѓе.
- Зголемен е и бројот на гласови испратени по пошта, од 660.000 на претходните избори, на 754.000 сега.
- Анкетите покажуваат дека владејачките либерали на Марк Карни имаат предност од 5 поени во однос на опозициските конзервативци.
- Кампањата се фокусираше на односите со САД, откако Трамп воведе тарифи од 25% за увоз на стоки и говореше дека Канада треба да стане 51-ва американска сојузна држава.
