- САД сè уште не презеле одговорност за ракетниот напад врз свадба во вторникот во иранското село Кухестак, близу Ормускиот проток, во кој загинаа пет лица, а над 70 беа ранети. Наводно била гаѓана комуникациска кула оддалечена 135 метри од местото на свадбата.
- „Го истражуваме (нападот) бидејќи, секако, се грижиме. Сакаме да дознаеме... Кога нашата војска прави грешки, таа учи од нив за да се подобри“, изјави потпретседателот Џеј Ди Венс, додавајќи дека САД „никогаш не гаѓаат цивилни цели“.
- Техеран го смета инцидентот за воено злосторство, исто како и американскиот напад со проектили во училиштето во Минаб на првиот ден од војната, кога загинаа 175 луѓе, претежно деца.
- Повеќе од шест месеци Вашингтон не ја презел одговорноста за нападот врз Минаб, иако стручни анализи потврдија дека американските проектили во два брана намерно биле истрелани кон училиштето во време на настава. Неофицијални извори велат дека внатрешната истрага на Пентагон уште во март ја потврдила одговорноста, но сè уште нема официјални извештаи.
- За нападот врз свадбата, САД разгледуваат дали жртвите биле предизвикани од американска ракета, од рикошетирање или од иранска пресретнувачка ракета. Четворица воени експерти за Ројтерс оценија дека снимките од оштетувањата укажуваат на директен погодок од американско оружје, а не залутана иранска ракета.
- Двајца браќа од Авганистан биле уапсени на аеродром во Хрватска додека се обидувале да се качат на лет за Германија.
- Успеале од Грција во Хрватска да влезат со фалсификувани документи но не и да тргнат за Германија со нив.
- Малолетниот брат користел документ на име „Крал Ладислав“, а неговиот возрасен брат на име „Кнез Трпимир“.
- Ги намагарчиле во Атина.
- Трпимир е во притвор а малолетниот крал Ладислав е сместен во дом за малолетници.
- Израелски воени булдожери откорнаа стотици маслинови дрвја на плантажи на Палестинците на Западен Брег, само една недела пред да почне годишната берба на маслинки.
- „Сите наши маслинки, вклучително и штотуку засадените, се откорнати. И маслините на нашите соседи – сите до една. Нè оставија без ништо“, вели Абд Алфатах Тамими, земјоделец од село близу Рамала.
- Освен традиционален палестински симбол на поврзаност со земјата, маслините се столб на земјоделството на Западниот Брег и Газа. Производството на маслинки и масло учествува со околу 8% од БДП на Палестинските територии и обезбедува повеќе од 60.000 работни места.
- Израелските одбранбени сили вообичаено се повикуваат на потребата од расчистување на теренот од дрвја за да се спречат безбедносни закани или заседи. Според палестинската Комисија за отпор против колонизација,
- Израел издал три воени наредби за отстранување на вегетацијата од речиси 340 дунуми (34 хектари) палестинско земјиште околу Џенин, Кабатија и Беит Рима на окупираниот Западен Брег. Според Комисијата, само во август биле откорнати 21.508 стебла, вклучително и 19.375 маслинови дрвја.
- Слични кампањи беа спроведувани и во регионот Газа. Се проценува дека се откорнати околу 1 милион маслинови дрвја, односно 80% од сите во појасот.
