- Генерал-полковникот Игор Кирилов, шеф на руските сили за радиолошка, хемиска и биолошка одбрана, загина заедно со неговиот заменик во експлозија на бомба во Москва.
- Експлозијата се случила околу 6 часот наутро пред станбена зграда на авенијата Рјазанска, додека Кирилов и неговиот помошник излегувале од зградата за да се качат во службено возило.
- Руските истражители соопштија дека импровизирана експлозивна направа која содржела околу 300 грама ТНТ најверојатно била прикачена на електричен скутер во близина на влезот на зградата. Најверојатно била активирана од далечина, преку радио сигнал или мобилен телефон.
- За атентатот се сомничат украинските специјални служби а генерал Кирилов е одбран како мета затоа што често ги критикуваше Киев и Вашингтон за нивните матни операции во био-лабораториите, тврдејќи дека таму се прави и хемиско оружје.
- Воено-политичкото раководство на Украина неминовно го чека одмазда, порача заменикот генерален секретар на рускиот совет за безбедност, Дмитар Медведев.
- Акциите на Тесла вртоглаво паѓаат откако нејзиниот сопственик Илон Маск најави дека ќе формира Американска партија, како трета политичка опција во земјата. Инвеститорите продаваат, убедени дека навлегувањето на Маск на политичката сцена ќе им нанесе голема штета на неговите компании.
- Во тргувањето пред отворањето на берзите, вредноста на акциите падна за 7%, со проценка дека загубите на Тесла ќе достигнат 70 милијарди долари. Загубите на Маск лично би биле 9 милијарди во еден ден.
- Претседателот Доналд Трамп синоќа ја оцени Американската партија како „смешна“.
- „Третите партии никогаш не функционирале, па тој може да се забавува, но јас мислам дека е смешно. Жал ми е што гледам како Илон Маск во изминатите пет недели излета од колосек и стана крш“, порача Трамп на својата социјална мрежа.
- Тој повторно оцени дека Маск е гневен поради бришењето на субвенциите за електрични возила во новиот Голем убав закон за буџет и трошоци на САД.
- Доналд Трамп ќе воведе дополнителни 10% тарифи за увоз на производи од земјите од блокот БРИКС (Бразил, Русија, Индија, Кина и Јужна Африка).
- „Секоја земја што се приклонува кон антиамериканските политики на БРИКС ќе добие уште 10% тарифи. Нема да има исклучоци за оваа политика“, објави Трамп.
- БРИКС вчера го почна својот самит во Рио, на кој не присуствуваат рускиот претседател Владимир Путин и кинескиот Си Џинпинг. На отворањето, бразилскиот лидер Лула да Силва изјави дека земјите од блокот денес претставуваат една половина од светското население и 40% од глобалната економија.
- Задутре завршува рокот од 90 дена што Трамп им го даде на земјите низ светот да склучат билатерални трговски договори со САД или да се соочат со „реципрочните тарифи“ што ги најави во април. Со некои земји е постигнат договор, а 12 до 15 поголеми партнери и стотина помали ќе добијат писма со ултимативни понуди. Министерот за трговија Хауард Лутник објасни дека царините ќе стапат на сила од 1 август.
