Од денес, по улиците на Загреб се движат празни автомобили, без возач и патници, како последен тест на системот за идните целосно автономни роботаксија.
Возилата се на компанијата Verne, основана од Мате Римац и Марко Пејковиќ, заедно со кинеската Pony.ai, која ја обезбедува технологијата за управување. Третиот партнер е Uber, преку чија апликација услугата наскоро ќе им биде достапна на корисници.
Verne нуди комерцијалната услуга за роботакси во Загреб уште од април, но досега во возилото секогаш седело лице – безбедносен оператор подготвен да ја преземе контролата – како што налагаат прописите. Новите тест-возила се без безбедносен оператор. Ова е прво такво тестирање на јавни патишта во Европа.
Автомобилите ќе имаат пробни тури на траса долга 22 километри, од деловната зона „Бузин“ до аеродромот „Фрањо Туѓман“.
Такси-возила без возач досега имаат само мал број компании во светот – пред сè Waymo (во сопственост на Alphabet), која нуди услуги во Феникс, Сан Франциско и други градови во САД, а планира да го прошири сервисот во Лондон и во Минхен.
Веќе пишувавме дека Римац не успеа да го заврши проектот за целосно автономни роботаксија од петто ниво во определениот рок, за да добие 180 милиони евра европски пари.
На основа на стратифициран примерок од досегашните резултати, носителот на владејачката листа, доскорешниот претседател Александар Вучиќ изјави дека е јасно дека ги изгубиле изборите и дека победник е Студентската листа.
Според истражувалкиот центар ЦРТА, Студентската листа освоила 51,47 отсто од гласовите на изборите во Србија, додека листата „Александар Вучиќ – Обединета Србија“ добила 40,42 отсто.
Ниедна друга листа, со исклучок на малцинските, не го минала цензусот.
Вучиќ порача дека паднале во вода сите лаги дека нема да ги признае резултатите, дека ќе одговори со насилство, дека се подготвува да бега од земјата и слично.
„Им честитам на оние кои победија иако тие беа само изведувачи на валканите работи“, кажа тој и рече дека едвај чека да го гонат за измислиците како што е звучниот топ.
СНС ќе има преку 100 пратеници во парламентот. „Ќе им покажеме што е опозиција,“ им порача Вучиќ на победниците и прес конференцијата ја завршија со песна.
Бугарија е на пат да забележи историски најниска излезност на првиот круг од претседателските избори. Според последниот официјален пресек на Централната изборна комисија, до 16 часот гласале само 16,04 отсто од избирачите.
Според две од трите мерења, до два часа пред затворањето на избирачките места гласал само секој петти избирач.
На претседателските избори во 2021 година во истиот период излезноста била 24,12 отсто, односно за повеќе од 8 процентни поени повисока.
Во 1992 година, на првите демократски претседателски избори, излегле 75,39 отсто од избирачите, во 1996 година 63,14 отсто, а во 2001 година 41,63 отсто. Досега ниту еден прв круг не паднал под 40 отсто.
