Вести › Набрзинка

Респираторите коселе повеќе од ковидот

14 мај 2023

Голем процент од луѓето со ковид-19 на кои им била аплицирана кислородна поддршка, брзо развиле секундарна бактериска пневмонија. Оваа пневмонија била одговорна за стапка на смртност повисока и од онаа на самата инфекција со коронавирус, пренесува Нова Македонија.
И покрај тоа што ковид-19 бил тој што ги донел овие пациенти во болница, всушност употребата на механички вентилатор е она што најверојатно било причина за смрт кај многу хоспитализирани пациенти.
„Нашите податоци сугерираат дека смртноста поврзана со самиот вирус е релативно ниска, но другите работи што се случувале за време на престојот на интенивна нега, како секундарната бактериска пневмонија, ја направиле „белјата“, – вели Бенџамин Сингер, пулмолог на Универзитетот Нортвестерн во Илиноис.

п.с. Кога се радувавме дека ни донираат....

извор

Трамп се откажува од фондот за „жртвите на политички прогон“

2 јуни 2026

По жестоки критики од републиканските сопартијци, Доналд Трамп е решен да го повлече планот за фонд од 1,776 милијарди долари за обештетување на лица што биле „жртви на неправедно гонење“ од претходната администрација.
Фондот е дел од договорот Трамп да го повлече барањето за отштета од 10 милијарди долари од американската УЈП поради протекување на неговите даночни пријави пред седум години. Критичарите го опишаа фондот како шема со која Трамп ќе ги наградува своите политички сојузници.
Судијката која ја следеше тужбата на Трамп против УЈП ненадејно повторно го отвори случајот за да истражи „сомневања за измама“, бидејќи претседателот тужи агенција што ја контролира и на тој начин е на двете страни во случајот.
Изворите на Њујорк тајмс велат дека не е јасно дали претседателот отстапува и од дополнението на правната спогодба, која му обезбедува на Трамп лично, на неговото семејство и на неговите бизниси имунитет од даночни ревизии.

извор

Американско нуклеарно оружје во Полска и балтичките земји?

2 јуни 2026

САД дискутираат дали да распоредат нуклеарно оружје во повеќе европски земји за да ги убедат сојузниците од НАТО дека повлекувањето на конвенционалните сили не ги ослабува безбедносните гаранции.
Се разгледува можноста за дополнителни распоредувања надвор од шесте европски земји во кои сега има американски бомбардери што можат да носат нуклеарни бомби – Белгија, Британија, Германија, Италија, Холандија и Турција, изјавиле три извори за Фајненшл тајмс.
Најзаинтересирани домаќини се членките на НАТО што се на границата со Русија - Полска и балтичките земји.
Уште од време на Студената војна Вашингтон има единствено овластување за употреба на американското нуклеарно оружје распоредено низ Европа. Овој нуклеарен чадор се смета за незаменливо средство за одвраќање.

извор