Вести › Набрзинка

Ратата за новите автобуси на ЈСП ќе ја плати владата, градот ги потрошил парите за друго

11 август 2024

Ниту ЈСП Скопје, Ниту Град Скопје ќе ја платат годишната рата за новите нископодни автобуси на гас што ги набави претходниот скопски градоначалник Петре Шилегов, туку тоа ќе го направи Министерството за финансии со ребалансот на буџетот.
Од јавното претпријатие и Градот рекле дека немаат доволно средства за исплата, па тоа сега треба да го направи Министерството за финансии како краен гарант кон обврските кон Европската банка за обнова и развој, од каде е подигнат кредитот.
Не сме финансиски моќни, тоа е голема сума на пари, која ние не можеме да ја обезбедиме. Има и голем број на ненаплатени побарувања а драстично се намалени приходите, изјави директорот на ЈСП, Драги Кушовски

8 јули 2025

Владата прогласи кризна состојба од 30 дена на целата територија на Македонија поради зголемената појава на пожари.
„Ова на терен значи дека се овозможува интегриран пристап и координирано дејствување на сите надлежни институции - Армијата, полицијата, сите противпожарни единици, Центарот за управување со кризи и Дирекцијата за заштита и спасување и локалните самоуправи. Ќе се мобилизираат сите човечки, технички, логистички и други ресурси“, изјави портпаролката Марија Митева.
Владата ќе обезбеди помош за сите засегнати подрачја за да се спречат поголеми последици. Ги повика граѓаните да бидат максимално внимателни и да ги почитуваат сите препораки и забрани.
До 12.30 часот имало 9 активни и еден локализиран пожар на отворено, соопшти Центарот за управување со кризи (ЦУК).