- Што е постар човек, сака да биде посериозен, па и амбициите се различни. Најозбилните автори се среќни кога музиката им се емитува на ден на жалоста.
- Добро е големите класични ансамбли да не останат херметички затворени само за музика која некој пред 100 години одредил да биде класична. За 100 години и мојата музика би можела да стане класична ако ѝ дадеме прилика.
- Во пандемијата си докажав дека можам работејќи работи кои немаат врска со музика и дека сум музичар зашто го сакам тоа, а не затоа што ништо друго не можам да работам.
- „Втора поука, дека е добро да се има различни занаети, дека тоа го чини човекот егзистенцијално посигурен во непредвидени околности на криза.“, вели Рамбо Амадеус во интервјуто со Ана Чушкова за новиот портал Дива.
- Иран ќе го погуби првиот демонстрант од илјадниците што се приведени во масовните протести против режимот, соопшти невладината организација Иран за човекови права (IHRNGO).
- Ерфан Солтани (26) утре треба да биде обесен откако бил уапсен минатата недела на протестите во Карај. На неговото семејство му било кажано дека е осуден на смрт поради „војна против Бога“, и дека казната треба да се изврши на 14 јануари.
- Убивањето цивилни демонстранти од страна на Исламската Република потсетува на злосторствата на режимот во 1980-тите, кои се признати како злосторства против човештвото. Ризикот од масовни и вонсудски егзекуции на демонстранти е исклучително сериозен, изјави директорот на IHRNGO, Махмуд Амири-Могадам.
- Според групите за човекови права, повеќе од 10.000 луѓе се уапсени во последните недели поради учество во антивладините протести предизвикани од пропаѓањето на иранската економија. Убиени се повеќе од 500 демонстранти.
- Во обид да го засили притисокот врз режимот во Техеран загрозен од масовни протести, американскиот претседател Доналд Трамп воведе царина од 25% за увоз на стоки од земји што соработуваат со Иран.
- Кина се очекува да биде најтешко погодена од царината. Пекинг лани купи 77% од суровата нафта што ја извезува Иран - околу 1,6 милиони барели на ден. Другите главни трговски партнери на Иран се Индија, Европската Унија, Турција и Обединетите Арапски Емирати. Според податоци од Светската банка, Иран во 2022 година извезувал стоки во 147 земји.
- Трамп во неделата изјави дека властите во Техеран побарале разговори со САД. Тој додаде дека Вашингтон е во контакт со ирански опозициски лидери и дека ги разгледува сите опции за зголемување на притисокот врз иранскиот режим, вклучувајќи кибернетски и воени напади.
- „Воздушните удари се една од многуте алтернативи, но дипломатијата секогаш е првата опција за претседателот“, изјави претставничката на Белата куќа, Каролин Ливит.
