Вести › Набрзинка

Путин нареди изградба на инфраструктура за пренасочување енергенси во Азија

19 април 2022

Путин наложи до први јуни, руската влада да излезе со план за „ширење на инфраструктурата на земји од Азиско-пацифичкиот регион, Африка и Латинска Америка“ и бара да се разгледа приклучување на сибирскиот гасовод и далекуисточниот Сахалин- Хабаровск - Владивосток во единствен руски систем за снабдување со гас.
„Сега ќе видите како ви е без нас, а замена немате“, го пренесува Слободна Далмација рускиот пртстедател.
Кон крајот на 2019 Русија стартуваше гасоводи за извоз во Кина а склопи и 30 годишен договор за нов гасовод кој допрва треба да се прави.
Со најавите за прекин на испораката на енергенси од Русија, Европа ги дига цените и го дестабилизира пазарот, смета Путин.

извор

Хутите го стегнаа обрачот околу стратегискиот проток Баб ел Мандеб

11 септември 2026

Проиранските хути во Јемен го зазедоа стратегиското пристаниште Мока покрај теснецот Баб ел Мандеб. Ако го заземат и островот Перим, кој е нивната следна цел, ќе можат со краткострелни ракети или со морски мини целосно да го блокираат клучниот воден пат што го поврзува Црвеното Море со Аденскиот Залив и Индискиот Океан.
По оваа вест, цената на нафтата на глобалните пазари скокна на над 100 долари за барел, што е највисоко ниво по март, кога почна војната на САД и Израел против Иран.
Додека Иран речиси целосно го блокира Ормускиот теснец, низ кој пред војната поминуваа 21,6 милиони барели нафта дневно - односно 20% од глобалниот извоз, заканите од хутите го намалија обемот на извозот преку Баб ел Мандеб од 5,4 милиони барели (пред војната) на околу 2 милиони во август.
САД имаат 20 воени брода ангажирани кај Ормускиот проток и ниту еден преостанат за деблокирање на втората клучна поморска точка. Мисија за отворање на коридор низ Баб ел Мандеб би значело повлекување на бродови од Пацификот или од Европа.
Исламабад, пак, го предупреди Техеран да ги ограничи дејствата на хутите, за да не биде активиран новиот воен сојуз на Пакистан, Саудиска Арабија и Турција, што би водело кон проширување на војната.

извор

Run, Xhever Imeri, run!

10 септември 2026

Џевер Имери, вработен во Царинската управа како заменик-директор на Секторот за администрација, е уапсен откако побарал мито од над 15.000 евра во врска со тендер во Царинската управа. Му биле дадени обележани пари.
По преземањето на парите, Имери не застанал на полициските наредби и избегал. Го фатиле и го уапсиле.
Уште колку ли вакви Џевери има?

извор