Вести › Набрзинка

Пуши го, Северна

14 декември 2023

Лидерите на Европската Унија решија да започнат преговори за членство со Украина и Молдавија, а на Грузија да ѝ доделат статус на кандидат.
Иако се закануваше, Орбан не стави вето но со порака на Фејсбук се дистанцираше од одлуката на останатите 26 лидери: „ЕУ членство на Украина е лоша одлука. Унгарија не сака да учествува во оваа лоша одлука и затоа се држеше настрана од одлучувањето.“
Германскиот канцелар Олаф Шолц порача дека Украина и Молдавија припаѓаат на „европското семејство.“
Украина важи за најкорумпираната земја на стариот континент а и како што на сите им е познато, има добри односи со соседите.
На 20 март 2022 година, Зеленски забрани 11 политички партии во земјата, подоцна во јуни беа забранети книги и музика на руски а годинава градот Киев воведе комплетна забрана на „културни продукти на руски јазик.“

извор

Иран? Не се знае

11 јануари 2026

Иранците се наоѓаат меѓу две опции: да бидат охрабрени од заканите на Трамп кон официјален Техеран дека ќе интервенира тргне со масовна пресметка со демонстрантите или да бидат обесхрабрени од заканите на главниот обвинител дека учесниците во протестите ќе се сметаат за „непријатели на бога“, дело што повлекува смртна казна.

Оние првите протестираат веќе две недели, западни извори тврдат сè помасовно. Растат и насилствата. Се јавува за преку 160 мртви, беа запалени објекти и по некоја џамија во Техеран и другите поголеми градови.
Реза Пахлави од безбедна далечина од предградие на Вашингтон побара демонстрантите да ги заземат градските центри а тој се подготвувал за враќање во земјата.
Екс оперативец на ЦИА за Иран тврди дека ајатолахот има најмногу недела-две додека теократсккот режим се сруши.
Техеран го исклучи интернетот толку прецизно и систематски што ни сателитскиот Старлинк на Илон Маск засега не помага.
Најбитното на крај: Урсула фон дер Лајен на демонстрантите им порача дека „ЕУ стои со нив“.

извор

Франција го одложила Г7 за да не му го расипе роденденот на Трамп

10 јануари 2026

Првично закажан за 14 и 15 јуни, самитот на Г7 во Франција е одложен бидејќи американскиот претседател во тој период организира ММА борби за својот 80-ти роденден.
Тепачките ќе бидат организирани на 14 јуни во Белата куќа која очекува околу 5.000 гости.
Паралелно, се споменува и воена парада со 150 оклопни возила, 50 авиони, тенкови Абрамс и Бредли, со трошоци од 25-50 милиони долари.
Поради овие битности, Г7 ќе состанчат од 15 до 17 јуни во местото Евиан, близу границата со Швајцарија.
Белата куќа ја поздрави одлуката на францускиот претседател кој „љубезно ги промени датумите за да се прилагоди на распоредот на колегата.“
Членките на Групата на седумте се САД, Канада, Франција, Германија, Италија, Јапонија и Велика Британија. Нагалено се викаат „лидери на слободниот свет.“

извор