Вести › Набрзинка

Продажбата на електрични коли најмногу е порасната во Кина

18 август 2024

Во јули во светов се продадени 1,35 милиони комплетно електрични и плаг-ин електрични автомобили. Од тоа, 880.000 се продадени во Кина.
Во првите седум месеци од 2024, бројот на продадени плаг-ин хибриди во Кина е пораснат за 70% во однос на истиот период лани. Најголемиот кинески производител BYD ја има зголемено светската продажба за 13 односно 44 проценти.
Во Европа на месечно ниво продажбата во јули е намалена за 7,8% а за седум месеци е останата иста како лани.
Во Германија, најголемиот европски пазар за електрични возила, продажбата во првите седум месеци паднала за 12%.

22 ноември 2024

Кина објави дека ќе проширува безвизниот влез за уште девет земји, меѓу кои и Македонија, во обид да ги поттикне туризмот и деловните патувања за да помогне во заживување на економијата.
Од декември годинава, без виза во Кина ќе може да се престојува 30 дена. Само 38 пасоши од светот Кина ги пушта без виза.
Интересно е што во листата за проширување на безвизниот режим е и Јапонија.

21 ноември 2024

Спикерот Африм Гаши повика обезбедување и прогласи 10-минутна пауза за да спречи ескалација на инцидентот меѓу Димитар Апасиев и пратеникот на ВМРО ДПМНЕ, Зоранчо Јованчев.
Димче тврди дека Зоранчо го опцул па реагирал барајќи да не му го спомнуваат семејството.
За малку ќе имаше пресметка и меѓу Борислав Крмов од Левица и пратеникот на ВМРО-ДПМНЕ, Александар Велјановски.
Смирувачки е да се види како во пресрет на сè поблиска Трета светска војна, македонските народни избраници се на висина на задачата.

*****