Вести › Набрзинка

Привремена победа на Асанж против екстрадирањето во САД

26 март 2024

Џулијан Асанж од Викиликс доби шанса да ја продолжи својата борба против екстрадицијата во Америка, но само ако САД и Велика Британија не успеат да дадат дополнителни гаранции и уверувања.
Високиот суд во Лондон порача дека гаранциите треба да вклучуваат „дека на апликантот (Асанж) му е дозволено да се повика на првиот амандман, дека нема да се соочи со пристрасно судење, дека ќе му биде овозможена иста заштита како граѓанин на САД и дека не му се заканува смртна казна.
Даден им е рок до 16 април да ги достават гаранциите. Ако не го сторат тоа, Асанж ќе може да оди на Апелација.
Во САД би му се судело за наводно кршење на 17 точки од Законот за шпионажа од 1917(!) година, со потенцијална казна од 170 години.

Види и:

10 март 2026

„Се вратив во живот!“, порача српскиот министер за внатрешни работи, Ивица Дачиќ после двонеделна сериозна здравствена криза поради билатерална пневмонија, обелоденувајќи дека конзилиумот му најавил дека лекувањето ќе може да го продолжи дома.
„Тој црн ден јасно ми покажа кој и што треба да ми се приоритети. Ден во кој почнав да заминувам од животот. Пет дена без свест на ивица меѓу животот и смртта,“ напиша Дачиќ заблагодарувајќи им се на сите мои се молеле за него и особено „на мојот брат Александар Вучиќ.“
Ја сподели песната „Се враќам животе,“ која пред 15 години заедно ја пееле со Кемал Монтено.

10 март 2026

Цените на нафтата паднаа од нивниот четиригодишен рекорд, откако Доналд Трамп намигна дека војната меѓу САД и Израел против Иран би можела да заврши „многу наскоро“.
Брент суровата нафта, меѓународната референтна вредност, скокна до речиси 120 долари за барел, за по изјавата на Трамп дека војната во Иран е речиси комплетно завршена да падне на околу 90 долари.
Скокот на цената не го предизвика само самата војна во Иран туку и првичната оценка на Трамп дека цената скокнала „помалку отколку што очекував“.
Кај нас регулаторната комисија ги дигна цените за 14 денари за дизел и 5 за бензин, предизвикувајќи огромни колони возила пред бензиските станици. Хрватска, Унгарија, Јужна Кореја и Тајланд воведоа ограничувања на цените на горивото за да ја ублажат заканата.