Вести › Набрзинка

Пратениците добија задача да се „сложат“ и сменат 9 закони за Бехтел и Енка

7 април 2023

Министрите во кабинетот на Ковачевски не се ниту зачудени ниту навредени што министер за политички систем ќе се занимава со изградба на патишта.
Назначувањето на Груби како „координатор за сè“, ВМРО ДПМНЕ го оцени како потврда дека се планира голем криминал.
Владата со помош на парламентарното мнозинство е решена да ја забрза целата процедура: в понеделник Собранието по скратена постапка треба да донесе 9 нови закони поврзани со експропријација, градење, урбанистичко планирање, работа подолга од 8 часа и друго.
Стратешкиот партнер ќе биде ослободен од ДДВ и увозни давачки.

извор

Кремљ за победата на Маѓар: Проверете за четири месеци...

13 април 2026

Кирил Дмитриев, специјален пратеник на Владимир Путин за странски инвестиции и економска соработка и раководител на Рускиот фонд за директни инвестиции процени дека изборните резултати во Унгарија ќе го забрзаат распаѓањето на Европската Унија.
„Ова само ќе го забрза распадот на ЕУ. Проверете за четири месеци дали сум во право“, рекол тој за руската државна новинска агенција ТАСС.
Илон Маск прокоментира дека Сорос ја презел Унгарија.
Челниците на ЕУ му честитаа на Маѓар за победата која ја слават и американските демократи.
Хилари Клинтон и Венко Филипче го поздравија поразот на Орбан и оценија дека паднал автократски (Хилари) и недемократски (Венко) режим.
Како еден систем е автократски и недемократски ако луѓето можат да го сменат со слободно, фер и демократско гласање?

извор

Орбан падна и призна пораз

12 април 2026

„Резултатите се јасни и болни за нас. Народот не ни даде мандат да управуваме,“ рече Виктор Орбан признавајќи го изборниот пораз после 16 години владеење.
Победник на изборите е неговиот некогашен сојузник, Петер Маѓар и досегашната опозициона партија Тиса од десниот центар.
Излезноста била рекордна - 79,33 %. На 81 процент преброени гласови, резултатот е 53,53 % за Тиса и Маѓар наспроти 37,84 % за Орбан и Фидес.
Во мандати е уште појасно: 136 наспроти 56.
Резултатите од унгарските избори беа дочекани со олеснување во Брисел. „Европското срце вечерва чука посилно во Унгарија“, поетски се изрази Урсула фон дер Лајен.
Поразот на Орбан се гледа и како пораз на МАГА и американското влијание во Европа бидејќи ни посетите и поддршката од Марко Рубио и ЏејДи Венс не издејствуваа поволен резултат за унгарскиот сојузник на Доналд Трамп.

извор