- Системот на договарање го реши победникот на Евросонг. Иако не сум склон кон теории на заговор, швајцарскиот преставник тешко ќе дојдеше до победа без оркестрирано наговарање од едно место.
- Швајцарија победи и пред настапот затоа што е најмалку конфликтна па следната Евровизија ќе се врати дома, во државата која е и седиште на ЕБУ. Така нема да се случи победата да отиде во проблематичниот Израел, пак во Украина или во малата корумпирана Хрватска.
- Како шансите на Бејби Лазања растеа на кладилниците, така дечките од ЕБУ дополнително анимираа едно по едно национално жири. Како што правеше покоен Џаро, ако требаше, и хрватската делегација ќе ја наговореа да ѝ дадат 12 поени на Швајцарија.
- Косовскиот премиер Албин Курти денеска формално поднесе оставка од функцијата пред да положи заклетва како пратеник во косовското Собрание.
- Конститутивната седница на Собранието беше прекината откако не беше усвоен извештајот на комисијата за верификација на пратеничките мандати.
- Неизвесно е кога ќе биде избран претседател на Собранието. Доколку не се обезбеди мнозинство, законот предвидува нови продолженија што може да доведе до политичка криза.
- Партијата Самоопределување на Курти освои 48 пратенички мандати на неодамнешните парламентарни избори. За да стигне до мнозинство од 61 пратеник ќе мора да бара коалициони партнери меѓу партиите на малцинствата.
- Пред неколку затвори во Франција синоќа имало пукотници и биле запалени автомобили во обид за заплашување на стражарите и службениците. Нема информации за повредени лица.
- Кон затворот во Тулон било пукано од автоматско оружје. Инциденти имало и во Марсеј, Ним и во Нантер близу Париз.
- Министерот за правда Жералд Дарманин ги смета нападите за реакција на засилувањата на безбедноста во затворите, со цел да се спречат наркобарони од ќелии да управуваат со своите империи.
- „Одговорот мора да биде незапирлив. На тие што напаѓаат затвори местото им е во затвор“, изјави министерот за внатрешни работи Бруно Ретајо.
- Франција не е поштедена од латиноамериканските банди што го прошируваат шверцот на кокаин низ Европа. Во март во Данкирк беа запленети 10 тони кокаин. Во 2024 година биле запленети вкупно 53,5 тони, повеќе од двојно повеќе во споредба со претходната година.
