Вести › Набрзинка

После 2001-ва и 2015-та (Диво Насеље), трет упад на Косовари

25 декември 2023

На албанската опозиција во Македонија (Демократско движење, Алтернатива и Движење Беса), како партнер ѝ се придружи косовското Самоопределување на Албин Курти.
„Од денеска Европскиот сојуз за промени се состои од четири политички партии“, рече претседателот на Демократско Движење, Изет Меџити.
Претставници на движењето Самоопределување ќе бидат на заедничките листи како поединци, не како партија, соопшти Меџити.
Според член 8 од законот за политички партии, партии регистрирани во други држави не можат да дејствуваат на територијата на Македонија. Забрането е и да бидат регистрирани под исто име, а членовите на партиите во државата мора да бидат македонски државјани. Исто така и нашиот Устав забранува државјанин на друга држава да се кандидира на избори во Македонија, а уште помалку да биде назначен за пратеник во македонското Собрание, дури и да има двојно државјанство.
На премиерот Димитар Ковачевски не му е сосема јасно ова здружување, па бара дообјаснување, а за Мицкоски ова е само предизборен фолклор.

извор

Мицкоски: Наскоро ќе видите како се прислушувало последните години, ќе се згрозите

28 ноември 2024

На пратеничко прашање околу прислушувањето, премиерот вети дека наскоро ќе биде откриено како се прислушувало и дека пратениците од СДСМ ќе бидат згрозени.
„Јас сум убеден дека дел од раководството на СДСМ не ни знаеле дека тоа се случувало, дека најголемиот дел од нив го правеле за злоупотреба и лична агенда. Не дека некои од највисокото раководство немале информации, имале. И тоа што се случувало ќе ве згрози и вас“.
„Затоа ја гледам таа дебата од убдашки болшевистички структури кои се присутни во нашите кодошки безбедносни структури. И затоа се плашат од спојување на агенциите. Што им фалеше спојувањето на овие агенции во Хрватска, во САД?“ праша Мицкоски.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор