Вести › Набрзинка

Почина доктор Јовица Угриновски

29 ноември 2022

По долго и тешко боледување, на 77-годишна возраст почина неврохирургот Јовица Угриновски.
Угриновски беше роден на 2 октомври во 1945 година. Специјализирал неврохирургија во Скопје во 1975 година и завршил три постдипломски курса по неврохирургија во Монпелје, Манчестер и Братислава. Докторирал во 1986 година.
Беше основач на „Неуромедика“ и долгогодишен претседател на Федерацијата на планински спортови на Македонија.

11 март 2025

Со 77 гласа „за“ и ниту еден „против“ или „воздржан“, Собранието ја изгласа интерпелацијата на членката на Судскиот совет, Весна Дамева.
Гласањето недоверба за работата на Дамева го поддржаа пратениците од ВМРО-ДПМНЕ, „Вреди“ и ЗНАМ а и опозициската опозициската Левица најави дека гласаат за интерпелациите бидејќи, како што рече пратеникот Борислав Крмов, мора да се испрати порака до судството.
СДСМ и ДУИ уште за време на расправата за интерпелацијата на Дамева ја напуштија пленарната сала.
Се очекува во парламентот да поминат и интерпелациите за уште четворица колеги на Дамева.

11 март 2025

Доналд Трамп Јуниор, синот на американскиот претседател, пристигнал во Белград и наскоро ќе се сретне со српскиот претседател Александар Вучиќ, јавува Блиц.
Трамп Јуниор беше во Белград и лани во септември, за време на претседателската кампања на неговиот татко.
Сега имале срдечен разговор со Вучиќ кој му го покажал Белград од тераса, пишува Блиц.
Првиот пат се сретна со луѓе од бизнисот од Србија и од Романија. На состаноците присуствувал и Деско Никитовиќ, претседател на надзорниот одбор на валалницата за бакар Севојно.
Најстариот син на Доналд Трамп денес важи за негов највлијателен советник, како што во првиот мандат му беше ќерката Иванка.