Вести › Набрзинка

Пaѓа случајот „Организатори на 27 април“

24 декември 2024

Јавното обвинителство денеска соопшти дека во случајот за настаните од 27 април 2017 година, не биле земени предвид важни факти и околности кои можеле значително да влијаат врз постапката.
Во своето мислење, Обвинителството констатира дека немало основи за поведување постапка, што ја потврдува тезата дека 6 години обвинетите биле незаконски судени, трпејќи политички прогон.
Обвинетите Миле Јанакиески, Спиро Ристовски, Владимир Атанасовски и Трајко Велјаноски не добија можност да се повикаат на амнестијата која следеше за случајот, ниту да ги изнесат своите аргументи. Во меѓувреме, Миле Јанакиески и Спиро Ристовски се соочија со физички напади додека беа во притвор, што дополнително го комплицираше случајот.
Европскиот суд за човекови права, исто така, утврди дека нивните права биле повредени.

24 декември 2024

Злоупотребени биле лични податоци на сведок во постапка која се водела во Вишо јавно обвинителство-Скопје, чии име, презиме и матичен број биле искористени за активација на сим-картица. Но не се утврдило кој ги злоупотребил.
Ова е констатацијата на Оливера Нечаковска, битолска обвинителка која водеше предмет против нејзините колеги, Рајчев и Фатиме Фетаи. Таа донесе одлука со која предметот го затвори.
Суспендираниот шеф на Вишото обвинителство, Скопје, Мустафа Хајрулахи го објасни и случајот со нарачани текстови против него, објавени во Доказ на Марјан Стаменковски. „Пишувањата против мене со лични дискредитации со напади во Доказ почнаа во времето на мојот реизбор. Марјан Стаменковски побара иземање на обвинителот Сашо Рајчев бидејќи тој му доставувал материјали“, рече Хајрулахи.

24 декември 2024

Вонредни инспекции и робусна акција ќе има во следниот период против девијантното однесување на маркетите, кои на сметка на новогодишната кошничка со намалени цени ги зголемија цените на маслото, лебот, млекото, млечните производи, шеќерот, јајцата…
„Оние што мислат дека ќе прават трикови се лажат. Трикови не може, тоа оваа Влада нема да го толерира и жестоко има да се справиме со сите што мислат дека нè надмудриле“, рече премиерот Мицкоски.
Само неколку дена откога почнаа да важат ограничени и пониски цени на над 1.000 производи, во многу маркети се појавија повисоки цени на производите што се наоѓаат во новогодишната кошничка, која ќе важи до 15 јануари.