- Скандалозно и дрско е поведението на Владата да се поништи наредба на министер во МВР иако вработената во министерството на доброволна постапка сакала да биде префрлена во нов пункт за да фотографира граѓани за лични документи, истакна техничкиот министер Панче Тошковски.
- Талат Џафери изјави дека формално, ако нема врзан потпис, наредбите се поништуваат.
- „Целокупното поведение на Владата од самиот почеток на техничката влада е во најмала мерка чудно. Никогаш не се случило во претходни мандати наредби да поништуваат. Ај што се тотално неинформирани, правно непотковани па и дрски, одозгора да зборуваат за формалности. Како не им е срам“, вели Тошковски.
- „Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
- Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
- Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
- Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
- И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.
