Вести › Набрзинка

Општа тревога за цунами низ Пацификот

30 јули 2025

Јапонија и Хаваи спроведуваат масовни евакуации поради опасност од цунами низ Пацификот, предизвикани од силниот земјотрес на Камчатка.

Потресот со интензитет од 8,8 Рихтерови степени кај Петропавловск е шести според јачина од сите што досега биле регистрирани во историјата. Жариштето било на длабочина од 19 километри. Се очекуваат афтершокови со месеци.
Источниот брег на Русија го погодиле бранови од цунами со височина од 3 до 4 метри. Има повредени лица и од брановите и од земјотресот.

Првиот удар на северниот јапонски остров Хокаидо бил со бранови од 40 сантиметри, но се стравува и од бранови од 3 метри. Јапонија повика 1,9 милион луѓе да се засолнат подалеку од брегот и на повисоко.
Најсилниот удар се очекува на Хаваите, каде што се очекуваат цунами од над 3 метри. Низ Хонолулу вијат сирени. Градоначалникот Рик Бланџарди ги повика жителите да ги следат препораките, да не паничат и да се оддалечат од брегот.
Тревога поради можно цунами кренаа и делови од западниот брег на САД, Кина, Индонезија, Филипините, Еквадор и Перу - 13.000 километри на југ од Камчатка.

28 август 2025

Граѓаните на Загреб ги добија првите 500 од вкупно 2.000 велосипеди кои ќе им бидат достапни на 180 локации во градот.
Оваа јавна услуга ја финансира градот а компанијата која ја обезбедува е обврзана 95% од велосипедите да бидат исправни во секое време.
Загреб плаќа 65 евра по точак но за граѓаните цената ќе биде субвенционирана: пола евро за пола саат, месечна претплата за 5 евра а најповолна понуда е цела година за 30 евра.
Точакот треба да се врати на некоја од официјалните станици и да се заклучи; за оставање надвор од станица се наплаќа 30 евра.