- Осомничениот за убиството на младата Вања и велешанецот Панче се огласи со писмо на Фејсбук објавено од неговата партија Десна.
- Вели дека е невин за она што се сомничи, дека самиот барал итна екстрадиција во Македонија, дека не бегал, дека не бил фатен на автопат....
- Тврди дека неговиот јавен линч во кој иако само осомничен веднаш беше прогласен за монструм е оркестриран од „Калето“, воден од поранешниот министер за Внатрешни работи Оливер Спасовски а егзекутиран од јавниот обвинител Гаврил Бубевски.
- Љупчо Палевски изразува длабоко сочувсто за смртта на Вања и Панче, посебно за таткото на Вања, „кој во моментот кога го загуби детето, монструмите го осомничија дека тој бил во контакт со мене и давал информации“.
- Во исказите на притворените се сомнева и прашува дали биле тепани.
- Палчо вели дека сите докази кои ги има за овој случај ги чува за на суд за да останат пишани и материјални докази за тоа.
- „Додека ја чекам судската постапка, далеку од Македонија, ве поздравувам и ќе повторам, ПАЛЧО не киднапира, убива деца и старци, тоа треба АУТИСТОТ (Спасовски - н.з.) да го запомни“, се вели во писмото чија автентичност во овој момент не може да се верифицира.
- Американскиот потпретседател ЏД Венс изјави дека Русите не можат да постигнат речиси ништо во офанзивните операции на фронтот, ниту пак Украинците можат со своја контраофанзива да ги ослободат окупираните територии.
- „Русите плаќаат висока цена за секој квадратен километар што го освојуваат. Сега се во ситуација каде што шансите да постигнат нешто преку продолжени офанзивни операции се занемарливи и се приближуваат кон нула. Ова би можело да го создаде просторот што ни е потребен за да го донесеме ова прашање до крај“, изјави Венс во интервју за Сандеј тајмс.
- Фронтот, според него, е замрзнат затоа што САД и НАТО ја охрабриле Украина да се фокусира повеќе на одбраната и на исцрпување на Русија отколку да почне скапи офанзиви за освојување на окупираните територии.
- „Ако се сеќавате на летото 2023 година, главниот спор беше дали Украина треба да се обиде со голема контраофанзива. Речиси целиот западен свет, вклучувајќи го и претседателот Бајден, извршија притисок врз Украинците да почнат масовна контраофанзива, што подоцна се покажа како стратешка и тактичка катастрофа“, потсети Венс.
- Иран не може да најде доволно купувачи за својата сурова нафта пред да истече рокот за слободен извоз од 60 дена, согласно Меморандумот за разбирање со САД.
- Техеран на 1 јули соопшти дека испорачал над 40 милиони барели сурова нафта откако САД ја укинаа поморската блокада. Но, повеќе од 20 милиони барели се во азиските води подолго од седум дена, што е зголемување од речиси 18% во однос на претходната недела.
- Според извори на Блумберг, јасна дестинација немаат 90% од танкерите на кои се натоварени 58 милиони барели иранска нафта. Официјално се водат како „за нарачка“ или пловат кон Сингапур, со надеж дека ќе договорат извоз.
- Главна причина е намалената побарувачка на големиот азиски пазар, кој очекува испорака на нафта од другите земји од Персискиот Залив. Кина, најголемиот увозник на иранска нафта пред војната, го преполовила увозот на 654.000 барели. Само еден ирански танкер истоварил нафта во Кина во изминатата недела. Индија чека конечен договор и целосно укинување на санкциите за да прави долгорочни нарачки.
- Ограничувањата на Европската Унија и Британија сè уште се на сила. „Купувачите остануваат претпазливи дека Вашингтон би можел повторно да воведе санкции ако преговорите пропаднат“, изјави американскиот министер за финансии Скот Бесент.
