Вести › Набрзинка

Обвинетиот Кешишев: Ако дознае Палчо, ќе ме убие

16 октомври 2024

Влатко Кешишев, еден од обвинетите за двојното убиство на Вања Ѓорчевска и велешанецот Панче Жежовски ја однел полицијата до местото каде што била закопана Вања.
„Во чуден сплет на околности самиот почна да зборува дека е лош човек, дека е нечовек, наговестуваше нешто“, сведочеше Музафер Калишиќ кој бил помошник-началник на СВР Скопје за криминалистички работи и насилен криминал.
Се предомислуваше дали да каже, дали не. Па во еден момент рече „ајде ќе ве однесам, има еден црн пат“. Возевме по негови насоки, се качивме едно 200-300 метри, рече „излезете“....Дури и со рака не сакаше да покаже, покажуваше со главата кон перниците: „тука е девојчето кое го барате“.
Прашавме кој, рече „Палчо, ја земаа и тука ја фрлија, а јас бев на страна“.

извор

Трамп: Вечерва ќе умре цела цивилизација!

7 април 2026

„Цела цивилизација ќе умре вечерва, за никогаш повеќе да не се врати. Не сакам тоа да се случи, но веројатно ќе се случи“, порача Доналд Трамп во безумна закана за уништување на Иран.
Тој цврсто стои до ултиматумот што му постави на Техеран до вечер во 20 часот според американско време да го деблокира Ормускиот Теснец. Ако не, ќе нареди „пеколни“ напади кои „ќе го вратат Иран во Камено доба“.
Трамп отворено се закани дека ќе ги уништи мостовите, енергетските постројки и централите за десалинизација, што би оставило десетици милиони Иранци без струја и вода. Тоа, според сите критериуми е воено злосторство насочено против цивили.
Трамп остави мал простор да ги откаже нападите во последен час, како и во претходниот ултиматум до Техеран пред две недели: „Сепак, сега кога имаме целосна и тотална промена на режимот, каде што преовладуваат различни, попаметни и помалку радикализирани умови, можеби може да се случи нешто револуционерно прекрасно, Кој знае?“.
И самиот дава одговор: „Ќе дознаеме вечерва, еден од најважните моменти во долгата и сложена историја на светот. 47 години изнудување, корупција и смрт конечно ќе завршат. Бог да го благослови великиот народ на Иран!“.

извор