Вести › Набрзинка

Објавени документите за Мартин Лутер Кинг

22 јули 2025

Администрацијата на Доналд Трамп ги објави досието на ФБИ и ЦИА за Мартин Лутер Кинг, и покрај противењето на неговото семејство. На страниците на Националните архиви во дигитална форма се објавени документи на повеќе од 240.000 страници, кои беа запечатени со судска одлука во 1977 година.
Лидерот на движењето за човекови права и нобеловец Мартин Лутер Кинг беше застрелан во април 1968 година. Џејмс Ерл Џеј прво ја призна вината за атентатот, но потоа го повлече признанието.
„Убиството на нашиот татко со децении го привлекуваше вниманието. Но, ова е прашање од приватна природа. Документите мора да се разгледуваат во нивниот историски контекст“, оценија неговиот син Мартин Трети и ќерката Бернис. Тие го повторија семејниот став дека Џејмс Ерл Реј не е единствениот одговорен за убиството на нивниот татко.
Досието содржи документи за истрагата на ФБИ за убиството на МЛК, но и за операциите на ЦИА за следење на лидерот на движењето за граѓански права со години пред атентатот.
Трамп уште во јануари потпиша указ за отпечатување и објавување на досиејата за атентатите врз претседателот Џон Кенеди, сенаторот Роберт Кенеди и Мартин Лутер Кинг. Документи за ЏФК беа објавени во март, а за РФК во април.
Граѓански активисти тврдат дека објавувањето на документите за МЛК е обид на администрацијата на Трамп да го пренасочи вниманието на јавноста, која бара да биде објавено досието за Џефри Епстин.

извор

Пропадна дилот за мигранти на Британија и Франција

2 октомври 2026

Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.

извор

Прв септември без урагани во Атлантикот во овој век

2 октомври 2026

Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
Просекот е 7 урагани во сезона, од кои 2 до 3 се во септември.
Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
Најмалку, само по два, имало во 1982 и 2013 година.

извор