Вести › Набрзинка

Новинарот Саше Димовски пред смртта бил исфрлен од ЗНМ

7 август 2024

Оваа информација ја открива уредничката на Телма Снежана Лупевска Созен која на Фејсбук се прости со Димовски и објави дека е вознемирена од информацијата според која покојниот новинар бил информиран од раководството на ЗНМ дека веќе не е член на организацијата.
Причината била што тој станал член на комисијата за помилување во кабинетот на претседателката Гордана Сиљановска Давкова.
"Kолку што ме вознемири веста за неговата смрт ме вознемири и односот на Управниот Одбор на ЗНМ кој вчера најбезобразно му соопштил на Саше дека не е веќе член на здружението ( за 5 години) оти бил член на државна комисија за помилување во која и претходно членувал наш колега но не беше избришан од списокот на ЗНМ. За мене раководството на ЗНМ е збир на група луѓе со лични агенди и двојни аршини особено дрско кон новинарите како Саше кои немаат влакна на јазикот”, пишува обично воздржаната и умерена Лупевска.

извор

Хитлер против Зелински во изборна битка во Франција

20 март 2026

Необичните презимиња на кандидатите го привлекоа вниманието на медиумите во битката за градоначалник на Арси сур Об – историско гратче со околу 2.875 жители во Франција.
Градоначалникот Шарл Хитлер, кој се бори за реизбор на функцијата, е фаворит во битката со Антоан Рено-Зелински. Во првиот круг Хитлер освоил 38% од гласовите, а Зелински 30%. Вториот круг е в недела.
Градоначалникот Хитлер, од семејство од Алзас што било жртва на нацистичкиот режим, вели дека никогаш немал намера да си го промени незгодното презиме. „За најблиските, јас сум Месје Шарл“.
Неговиот противник има потекло од Полска и нема врски со Украина. Но, гратчето Арцис кај Одеса е наречено според Битката кај Арси сур Об во 1814 година. Го формирале германски војници, кои по поразот од наполеоновите сили емигрирале во Царска Русија.

извор

САД почнаа офанзива за отворање на Ормускиот проток

20 март 2026

САД вклучија нисколетечки авиони и јуришни хеликоптери во офанзива за деблокирање на бродскиот сообраќај низ Ормускиот проток.
Генералот Ден Кејн, шеф на Генералштабот на здружените оружени сили, изјави дека авиони А-10 Вортхог и хеликоптери Апачи, вооружени со топови, митралези и ракети напаѓаат бродови, чамци и утврдени ракетни батерии на Револуционерната гарда, која контролира кој може да премине преку протокот.
И покрај нападите, се верува дека Иран сè уште има огромни залихи од мини, ракети и чамци скриени во регионот.
„Ќе бидат потребни недели за да се достигне точката за безбедни операции во протокот. Дури и тогаш голем дел од иранските средства ќе преживеат“, изјави Фарзин Надими од Вашингтонскиот институт за блискоисточна политика.
Кон Персискиот залив плови и американскиот брод „Триполи“ со сили за ограничени интервенции на копно. Бродот носи над 1.600 маринци опремени со авиони и десантни хеликоптери.

извор