- Претседателот Доналд Трамп потпиша две извршни наредби за автоматското право на стекнување државјанство за деца родени во САД и за спречување на „породилниот туризам“.
- Првата наредба го ограничува правото на државјанство на деца на странци само за одредени категории лица. Државјанството автоматски нема да важи за деца на родители што работат во странски амбасади или организации, или за родители за кои има основани сомневања дека го злоупотребуваат системот.
- Врховниот суд на САД на 30 јуни ја поништи претходната извршна наредба на Трамп со која децата на илегалните имигранти и на лицата со дозвола за привремен престој се исклучуваа од правото на автоматско државјанство врз основа на местото на раѓање.
- Втората наредба го забранува „породилниот туризам“ - честа практика на бремени жени да патуваат во САД со туристичка виза со намера таму да се породат и детето автоматски да добие американско државјанство.
- „Некои богати лица градат бизниси врз основа на правото на државјанство по пат на раѓање. Не требаше така да функционира. Тоа е срамота. Тие си го купуваат патот внатре. Нема да дозволиме тоа да се случи, изјави Трамп.
- Од крајот на 70-тите години од минатиот век, стапката на дебелина во САД континуирано расте. Сега има сè повеќе индикатори дека овој тренд почнува да се менува.
- „Постојат знаци дека сме на пресвртница“, вели Бенџамин Радер, епидемиолог од Детската болница чиј тим ја означија 2023 година како година кога стапките на дебелина во САД паднаа првпат по повеќе од една деценија.
- Во меѓувреме, новата генерација лекови за слабеење доживува вистински бум. Откако беа одобрени, користењето на лековите GLP-1 како Оземпик, Вегови и Зепбаунд се има зголемено повеќе од четири пати.
- Не сите истражувачи се убедени дека стапката на дебелина во САД трајно ќе почне да опаѓа. Според прогноза на истражувачи од Вашингтон, уделот на дебели возрасни лица би можел да се зголеми од 42,5 проценти во 2022 година на 46,9 проценти во 2035 година.
- Поранешниот командант на Војската на Република Српска и хашки осуденик почина на 84-годишна возраст.
- Ратко Младиќ беше прв човек на војската на Република Српска од 1992 до 1995 година. Командуваше со голем број клучни воени операции, на душа му се става геноцидот во Сребреница.
- Хашкиот трибунал издаде потерница по него во јули 1995 година. Беше уапсен на 26 мај 2011 година во селото Лазарево во близина на Зрењанин.
- - Кој си ти, бре, дедо? - Јас сум оној што го барате, рекол кога го нашле.
- Во 2022 година беше осуден на доживотен затвор.
- Последните 15 години ги помина во затвор. За време на војничката кариера во ЈНА, едно време живееше во Скопје.
- Новинарот на „Јутарњи“ Јурица Павичиќ, кој служел во ЈНА во 1984-1985 година во охридскиот гарнизон, со кој командувал Ратко Младиќ (тогаш сè уште потполковник) го памти како тиранин коиј знаел да збесне ако не било сè под конец во дворот на касарната.
