Вести › Набрзинка

Норвешка, Ирска и Шпанија ќе ја признаат Палестина. Ало, Македонија?

22 мај 2024

Израелскиот министер за надворешни работи ги повика на итни консултации своите амбасадори во Норвешка и Ирска откако овие земји најавија дека официјално ќе ја признаат Палестина како држава.
Иста најава има и од Шпанија, чиј премиер кажа: „Нетанјаху и натаму игнорира, бомбардира болници и училишта и казнува жени и деца со изгладнување. Мораме да продолжиме да праќаме хуманитарна помош и да им помогнеме на бегалците, но, тоа не е доволно. Нашето признавање не е против Израел и Евреите, ниту е пак во корист на Хамас“.
На почетокот на овој месец, 143 од 193 членки на ОН гласаа за придружување на Палестина.
За жал, Постојаната мисија на Македонија во Њујорк речиси е ставена под клуч.

извор

„Мајчински“ солзи за владиката на „Православната црква на Северна Македонија“

27 ноември 2024

Бугарскиот патријарх Даниил испрати писмено сочувство по повод смртта на митрополитот Дебарско-кичевски Тимотеј.
Сочувството и испратено до „Неговото блаженство, северно-македонскиот архиепископ Стефан“.
„В тези тежки за Вас и за цялата Православна църква на Северна Македония часове изказваме нашите искрени съболезнования за временната раздяла с упокоения наш събрат!“, ќе напише Даниил.

извор

Животот победува: Скопјанка родила на 61 година

26 ноември 2024

После 37 години во брак во кои имала тешко гинеколошко и акушерско минато, со 10 инвитра зад себе и 10 спонтани абортуси, пациентка од Скопје на свет го донесе бебето Петар.
Целата бременост ѝ била следена во државава, а породувањето било извршено со царски рез во 36. гестациска недела. Oстанала бремена со ин витро третман извршен во земјава со сопствена јајце-клетка која била криопрезервирана, односно замрзната.
„Овие родители не потклекнале на неуспесите, не потклекнале на притисоците од околината и на стереотипите и предрасудите со коишто живееме. Затоа на Петар и на неговите родители им посакувам да имаат многу прекрасни моменти и уште долго да уживаат во прекрасни семејни моменти“, рече директорката на Универзитетската клиника за гинекологија и акушерство, Ирена Алексиоска-Папастиев.
Петар е роден со тежина од два килограми и 350 грама и должина од 48 сантиметри.

извор