Поранешниот градоначалник на Скопје и сопственик на Тинекс, е уапсен на аеродромот во Скопје. Освен него, приведени се уште 10 лица поврзани со предметот Око на СЈО.
Утрово на Табановце е приведен и поранешниот претседател на Советот на општина центар, Владимир Здравев.
Предметот Око се однесува на Скопје 2014 конкретно изградбата на мостот Око на Вардар.
Премиерот Христијан Мицкоски вели дека за 20 години Македонија би можела да падне под еден милион жители, што би предизвикало уривање на пензискиот и здравствениот систем.
Демографската рецесија трае повеќе од 70 години, при што бројот на новородени деца е во постојан пад: во 1950 година имало над 50.000 новородени бебиња, лани само околу 16.000.
„За 20 години се плашам дека ќе бидеме држава под 1 милион жители и тогаш ќе имаме на еден пензионер еден вработен. Тоа значи колапс за пензискиот и за здравствениот фонд. Нека ме нарекуваат конзервативен, заостанат, како сакаат, но ова мора да биде прв приоритет“, рече премиерот кој смета дека „формирањето многудетно семејство е највисок патриотски чин на еден народ за сопствената татковина“.
Поради налепниците оставени на кантите за отпадоци во Загреб по завршувањето на кампањата за селектирање отпад, Јурица Паѓен (Аеродром, Парни Ваљак, Азра) првично побарал од Градот Загреб да му исплати 180.000 евра за авторски права.
Кампањата, која започна во март 2018 година, требало да трае до август 2022 година, и вклучуваше налепници на дел од контејнерите за селектирање отпад со познатиот наслов на песната на Паѓен и Аеродром: „Stavi pravu stvar na pravo mjesto“.
Иако кампањата има завршено пред повеќе од две години, налепниците на контејнерите останале а договор за тоа со авторот на песната Загреб немал.
За да се избегне судска тужба а и поради фактот дека и отстранувањето на налепниците ќе го чини градот пари, се договориле Загреб да му исплати на Паѓен 40.000 евра.
