Меѓународниот кривичен суд во Хаг издал налози за апсење на водачот на Хамас, Мохамед Деиф. израелскиот премиер Бенјамин Нетанјаху и неговиот поранешен министер за одбрана Јоав Галант.

Судот додава дека овие налози за апсење „се во интерес на жртвите и нивните семејства“, како и дека постојат „разумни сомневања“ дека ги игногирале жртвите меѓу цивилното население во Појасот Газа.

Израел, како и САД, не е членка на МКС, но обвинетите можат да бидат уапсени ако патуваат во некоја од над 120 земји кои се членки.

Единаесет лица се уапсени во врска со несреќата на железничката станица во Нови Сад во која загинаа 15 граѓани, а двајца се тешко повредени.

Медиумите јавија дека меѓу уапсените е и поранешниот министер за градежништво, транспорт и инфраструктура, Горан Весиќ (кој поради овој случај даде оставка), но тој демантираше и рече дека доброволно се одзвал на повикот да се јави во полиција.

Зградата на Железничката станица во Нови Сад е изградена во 1964 година, а последниве години двапати била реновирана и официјално отворана. И натаму трае полемиката меѓу претставниците на власта, опозицијата и независните експерти дали натстрешницата била или не била предмет на реконструкција.