Вести › Набрзинка

Нетанјаху нуди 5 милиони долари за заложник

20 ноември 2024

Секој што ќе врати заложник на Хамас ќе добие 5 милиони долари, гласи последната понуда на израелскиот премиер. Освен пари, на таков човек му се нуди и безбедно излегување од Газа.
На оние кои држат заложници а ќе ја игнорираат израелската понуда, пораката на Нетанјаху гласи: „Ќе ве гониме, ќе ве најдеме и после вие ќе ја платите цената“.
Хамас држи уште околу 100 луѓе, се проценува дека една третина од нив веќе не се живи.

извор

Андоновски: Поштата наречена копнеж или за достапноста

10 ноември 2025

Достапноста ќе нè убие. Достапно ни е сè: ене цигари на трафикана за сите, ене го мобилниот со кој го слушам брат ми од Америка кога сакам (дури и гледам каде е во моментот и што прави). Достапни ми се сите брендови на патики и фармерки, онде се зад аголот, во „Сити мол“ или во „Ист гејт“.
Кога сè е достапно, се смалува копнежот по она што го посакуваш. Гасне желбата. А убавината на животот е во копнежот. Убавината е токму во одлагање на задоволството, во одлагање на задоволување на желбата.
Секое ИНСТАНТНО (one click) задоволување на желбите го уништува уживањето, кое доаѓа од чекањето. Да, иако звучи апсурдно, така е – колку подолго го чекаш она по што копнееш, толку посилно ќе биде задоволството кога ќе го добиеш. Ние веќе не знаеме ништо да цениме, по ништо да копнееме, дури и не знаеме што значи да „гориш од желба“ по нешто, зашто ДОСТАПНОСТА на сите нешта инстантно ни ги задоволува сите желби.

извор

Поразите носат кавги: Фрчкоски - Пендаровски

10 ноември 2025

Љубомир Фрчковски го обвини Стево Пендаровски, дека „мешетари внатре во СДСМ“. – Ме чуди тоа што мешетари Стево Пендаровски. Нема потреба од тоа. А мешетари без везе…, рекол Фрчкоски кај Васко Ефтов.
Пендаровски му одговори: „Никогаш не сум мешетарел, тоа го прават други кои се занимаваат со кафеанско озборување. Изјавата е целосно одлепена од реалноста и фактите, што, за жал, се случува поради ‘квалитетот’ на изворите со кои некои луѓе се дружат“, додаде Пендаровски.