- Израелскиот премиер порача дека информативната тв станица со седиште во Катар нема да смее да работи и емитува во Израел како мерка против медиумите кои ја загрозуваат националната безбедност.
- "Ал Џезеира ѝ наштети на израелската безбедност, активно учествуваше во масакрот од седми октомври и поттикнуваше против нашите војници. Време е да го отстраниме гласилото на Хамас од нашата земја“, напиша тој на Икс.
- Кнесетот изгласа закон по кој на премиерот и министерот за комуникации им се дава право да затвораат медиуми и да ја конфискуваат нивната опрема ако бидат проценети како безбедносен ризик.
- Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
- Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
- Целта на организацијата, според обвинителите, била преземање контрола врз Републиканската партија и собирање фондови за претседателската кампања.
- Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.
- Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
- Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
- „Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
- Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.
