Вести › Набрзинка

Немаат муда за во затвор

3 октомври 2025

Газдата на „Дурмо турс“ и уште еден обвинет се уште не се во затвор оти имале проблеми со тестисите, пренесуваат медиуми.
Сопственикот Дурмиш Белули и одговорниот за транспорт на фирмата Ремзи Мифтари се правосилно осудени на десет години затвор за несреќата од 2019 година но сè уште не ја издржуваат казната затвор.
Белули имал херниа (кила) на едниот тестис и деновиве бил опериран а Мифтари имал на двата па деновиве и нему требало да му извршат зафат.
Автобуската несреќа се случи во 2019 година. Загинаа 16 патници, а над 30 беа повредени.

3 октомври 2025

Вишиот кривичен суд ја намали затворската казна на тројниот убиец Филип Завадлав од 40 на 35 години, но неговиот адвокат рече дека не се задоволни од одлуката бидејќи тоа не била целта на нивната жалба и најави нова жалба до Врховниот суд.
„Долго време таа група момци ме бркаа и сакаа да ме убијат а претходно ме тепаа. Пробував да најдам засолниште на некоја непозната локација. Долго време живеев во голем страв и не можев да спијам. Дури и во затвор морав да се тепам со дилери на дрога блиски на овие мрши за кои зборуваме“, изјави Завадлав.
Неговото подолго објаснување на тројното убиство го имаме во статијата „Кога правдата се зема во свои раце“.

3 октомври 2025

Сара Мулали е новиот архиепископ на Кентербери, со што станува духовен водач на околу 85 милиони англиканци ширум светот.
Тоа е првата жена на оваа позиција во 1.400 години старата историја на црквата.
Има 63 години. Претходно ја водела лондонската диецеза а пред хиротонијата била медицинска сестра.
Позицијата архиепископ на Кентербери беше празна речиси една година откако архиепископот Велби даде оставка заради непријавување на серискиот предатор Џон Смит кој има сексуално злупотребено десетици момчиња.