- Иранската влада ја повика Франција „да стави крај на насилното третирање“ на демонстрантите.
- УНХЦР ја критикуваше француската полиција, порачувајќи дека убиството на тинејџерот е „момент за државата сериозно да се справи со длабоките проблеми со расизмот и расната дискриминација меѓу безбедносните структури“.
- Ердоган порача дека „институционалниот расизам“, „исламофобијата“ и колонијалното минато се виновни за немирите во Франција.
- Израелскиот премиер, Нетанјаху ги осуди напади антисемитските напади во Париз на Споменикот на жртвите на депортацијата, за време на немирите во земјата.
- Кина вложи официјален протест до француските власти откако автобус со 41 кинески турист беше нападнат во Марсеј за време на дивеењето.
- Полскиот левичар и екс-претседател на Европскиот совет, Доналд Таск, ја обвини десничарската влада на Полска дека премногу ја отворила државата кон не-европски мигранти и дека заради нив за некое време земјата ќе личи на Франција.
- Европската комисија изрече казна од 200 милиони евра за кинеската компанија Тему поради тоа што на европски потрошувачи им продавала „илегални и непроверени“ производи, кои не ги исполнуваат стандардите од Законот за дигитални услуги (DSA).
- Од 2024 година Комисијата спровела истрага со тајни купувања од независна организација за тестирање. Откриено е дека висок процент на полначи за батерии купени преку Тему не ги поминале основните тестови за електрична безбедност.
- Кај голем дел од играчките за бебиња бил утврден среден до висок ризик за безбедноста - содржеле хемикалии над законските ограничувања или имале ситни делови што се опасност од задушување.
- Тему соопшти дека ги почитува целите на DSA и важноста на правилата за дигитална економија, но ја смета казната за „непропорционална“.
- Одлуката на ЕУ му налага на Тему до 28 август да поднесе план како да ги исправи грешките. Ако не ја почитува одлуката, може да се соочи со периодични казни, покрај сегашната од 200 милиони евра.
- Обединетите нации ја додадоа израелската Затворска служба на црната листа на ентитети обвинети за сексуално насилство во зони на конфликт за 2026 година.
- Основа за додавањето на израелските ентитети на листата е извештајот на специјалната известувачка на ОН, Алис Џил Едвардс, која собрала информации за 52 случаи за различни форми на тортура во израелски затвори, како и 33 случаи на сексуална злоупотреба. Случаите вклучуваат: „тепања, стресни пози, струјни удари, лишување од сон и гладување“.
- На оваа листа на ОН се терористички организации, а во август 2025 година беше додаден и палестински Хамас.
- Како реакција Израел ги прекина сите контакти со генералниот секретар на ОН, Антонио Гутереш. „Секој што го вклучува Израел на истата листа со терористите и силувачите на Хамас нема чувство за морал“, коментира израелскиот амбасадор во ОН, Дани Данон.
