Вести › Набрзинка

Нека провери некој Никиликс дали уште го признава

11 јануари 2023

Американската администрација потврди дека САД повеќе не го признава Хуан Гуаидо за претседател на Венецуела.
Гуаидо од прв ден немаше никаква власт во Венецуела ама им вршеше одлична работа на САД, ЕУ и отпадот што се влече зад нив, во сите обиди за мешање во внатрешните работи на земјата.
Промената на расположението на САД делумно е затоа што немаше никаква корист од Гуаидо, а делумно и затоа што на земјата и затреба нафта од Венецуела.
Не познато дали САД за оваа одлука го имаат консултирано Никола Димитров како еден од столбовите на глобалната поддршка на Гуаидо.

5 октомври 2026

Сите бомбардери на американското воено воздухопловство стационирани во Обединетото Кралство се вратени во нивните матични бази во САД.
На ваков чекор му претходеше откривање на наводен терористички заговор за кој американските власти претпоставуваат дека може да е поврзан со Иран.
Дузина Б-1 бомбардери се меѓу повлечените воздухоплови од базата на РАФ, Ферфорд, во Глочестер.
Оваа база е единствената воена база на територијата на Европа која е соодветна за стационирање тешки бомбардери.
Минатата недела, во близина на оваа база беше откриен камион со сомнително големо количество бензин.

3 октомври 2026

Концентрацијата на богатството кај мала група луѓе во 27 земји од светот го надминала нивото во кое 0,1% од возрасната популација поседуваат повеќе од најсиромашните 80% од жителите.
Јазот е најдлабок во Русија, а најмалку е изразен во Словачка.
Македонија според оваа класификација е меѓу земјите со порамномерна распределба на богатството.
Јужна Африка нуди впечатлив пример за тоа колку можат да бидат трајни овие разлики. Студија што го опфаќа периодот од 1993 до 2017 година покажа дека немало трајно намалување на нееднаквоста во богатството по крајот на апартхејдот.