Вести › Набрзинка

Недобитни вроеви: 45, 23, 63, 73, 61, 63, 22, 52, 54, 19 и 20

2 септември 2024

Од денеска е редуциран автобускиот градски превоз во Скопје. Дел од приватните автобуси сообраќаат само наутро, од 5 часот. Еден автобус ќе вози само една тура, на една линија. Тоа се автобусите со број 45, 23, 63, 73, 61, 63, 22, 52, 54, 19 и 20. Потоа автобусите ќе останат во гаража, а возачите ќе им се приклучат на колегите кои нема да возат.
Јавниот превоз организиран од страна на „Вестор транс“ денеска, пак, продолжува да функционира непречено и согласно со возниот ред. Тоа се автобусите со број 9, 11, 11а, 12, 47 и 55.
Приватните превозници бараат да им биде исплатен долгот и да се зголеми цената која, како што посочуваат, е од пред 8 години, поточно од 2017 година. Од друга страна, ЈП немаат доволен број на автобуси ни за летниот, камоли за зимскиот возен ред.
Данела и вмровците и натаму се во клинч по ова прашање.

8 јули 2025

Владата прогласи кризна состојба од 30 дена на целата територија на Македонија поради зголемената појава на пожари.
„Ова на терен значи дека се овозможува интегриран пристап и координирано дејствување на сите надлежни институции - Армијата, полицијата, сите противпожарни единици, Центарот за управување со кризи и Дирекцијата за заштита и спасување и локалните самоуправи. Ќе се мобилизираат сите човечки, технички, логистички и други ресурси“, изјави портпаролката Марија Митева.
Владата ќе обезбеди помош за сите засегнати подрачја за да се спречат поголеми последици. Ги повика граѓаните да бидат максимално внимателни и да ги почитуваат сите препораки и забрани.
До 12.30 часот имало 9 активни и еден локализиран пожар на отворено, соопшти Центарот за управување со кризи (ЦУК).