Вести › Набрзинка

Навални почина во затвор

16 февруари 2024

Рускиот активист и опозиционен лидер, Алексеј Навални, починал во затвор во кој под „посебен режим“ отслужуваше една од вкупно 30 годишните затворски казни.
Затворските служби на институцијата која се наоѓа на 60-тина километри во Арктичкиот круг соопштија дека на 47 годишниот Навални ненадејно му се слошило по прошетката во дворот, брзо изгубил свест а сите обиди да му се помогне биле залудни.
Кремљ соопшти дека не ги знае причините за смртта а Путин бил информиран за настанот, пренесе портпаролот Дмитри Песков.
Во 2020 година Навални падна во кома после едно најверојатно труење со новичок за што Запад ја обвини руската ФСБ служба. Беше евакуиран во Германија на третман, се опорави па беше вратен во Русија следната година.
Негов најголем политички успех беше кога после водењето на доста масовните опозициони протести во 2011 и 2012 година, на изборите за градоначалник во Москва освои 27% од гласовите.

Види и:
Новиот дом на Навални, „место на кое те носат за да те скршат“
Трилер приказна на Алексеј Навални
Поинакво видео за Навални

извор

Градоначалникот на Истанбул соочен со 2.340 години затвор

11 ноември 2025

Против Екрем Имамоглу, притворениот градоначалник на Истанбул, се покренати 142 обвиненија за корупција, за кои е предвидена вкупна казна од 2.340 години затвор.
Обвиненијата на вкупно 3.700 страници се однесуваат на случаи за проневера, измама и перење пари. Покрај Имамоглу, уште 402 лица од криминалната организација „октопод“ се обвинети за предизвикување штета од вкупно 160 милијарди лири (3,3 милијарди евра) во изминатата деценија.
Целта на организацијата, според обвинителите, била преземање контрола врз Републиканската партија и собирање фондови за претседателската кампања.
Имамоглу, кој е во притвор од 19 март, ги отфрла сите обвиненија и тврди дека е жртва на политички прогон, како главен противник на претседателот Реџеп Тајип Ердоган.

извор

Порака од Москва: Бугарија со Лукоил прави опасен преседан

11 ноември 2025

Руската амбаасдорка во Софија смета дека постапките на бугарските власти кон Лукоил се „избрзани и правно сомнителни“ и дека со законот за државно преземање на конртолата на Лукоил тие играат „многу рискантно“ и прават „опасен преседан.“
Елеонора Митрофанова кажа дека со законот за специјален управител на рафинеријата, кој беше усвоен „брзо во две читања“, не само раководството на рафинеријата, туку и акционерите и сопствениците на компанијата ќе бидат лишено од управувачки права. Притоа, сите одлуки на управителот, вклучително и оние во врска со евентуалната продажба на рафинеријата, не подлежат на административна или судска контрола.
„Останува да се види како ќе функционира тој закон но во моментов тоа изгледа како експропријација на туѓ имот,“ вели амбасадорката.
Рафинеријата на Лукоил „Нефтохим Бургас“ е една од најсовремените во Европа, снабдува приближно 80% од пазарот на горива во Бугарија и извезува енергенси во соседните земји.

извор