- Глобалните цени на нафтата скокнаа за 28% на над 116 долари за барел, бидејќи ескалацијата на американско-израелската војна со Иран ги поттикна стравувањата од долга блокада на испораките преку Ормускиот теснец.
- Назначувањето на Моџтаба Хамнеи за нов врховен лидер на Иран се толкува како продолжување на тврдиот став на Техеран во војната, односно блокада на танкерите во Персискиот Залив.
- Аналитичари од Голдман Сакс предупредуваат дека ако теснецот остане блокиран до крајот на март, цената на нафтата ќе надмине 150 долари за барел. При најекстремно сценарио, може да достигне 250 долари.
- Доналд Трамп оцени дека краткорочното поскапување на нафтата е „мала цена“ за САД и за светот и дека цените нагло ќе паднат „кога ќе биде уништена заканата од нуклеарната програма на Иран“.
- Првиот човек на американското здравство и човечки услуги, Роберт Ф. Кенеди јуниор, ги прозва двата најпопуларни синџири кафетерии околу содржината на шеќер во нивните пијалоци.
- „Ќе ги прашаме Данкин Донатс и Старбакс: „Покажете ни ги податоците за безбедноста што покажуваат дека е во ред тинејџерка да пие ладно кафе со 115 грама шеќер во него“, рече Кенеди.
- „Не мислам дека ќе можат да го сторат тоа“, додаде тој.
- На почетокот на оваа година администрацијата на Трамп објави нови упатства за исхрана за што беше кажано дека е „најзначајното ресетирање на федералната нутриционистичка политика во историјата“.
- Новите упатства воведоа превртена пирамида за храна. За разлика од претходните насоки, актуелната пирамида им дава приоритет на протеините, црвеното месо и полномасните млечни производи.
- Моџтаба Хамнеи, 56-годишниот син на Али Хамнеи, е избран за нов врховен лидер на Иран. Илјадници поддржувачи на Исламската Република синоќа по полноќ масовно излегоа на улици за да му изразат поддршка.
- Изборот на најтврдокорниот од потенцијалните кандидати за наследник на Али Хамнеи укажува дека Иран нема да попушти во војната. Покрај тоа што важи за искусен политичар со големо влијание врз елитните кругови во Техеран и врз Револуционерната гарда, Моџтаба е и заколнат непријател на САД и на Израел, а има и личен мотив да го одмазди семејството – покрај неговиот татко, во нападите беа убиени неговата мајка, сопругата и синот.
- Аналитичари укажуваат дека Моџтаба зад завесите тивко управувал со надворешната политика на Техеран и со нуклеарната програма, благодарение на силната поддршка од помладите и порадикални генерации во Револуционерната гарда.
- Роден е во Машхад, учел а потоа и предавал во конзервативно шиитско училиште, како момче учествувал во војната со Ирак, но не бил на ниту една функција и ретко ѝ се обраќал на јавноста.
- Доналд Трамп се закани дека ако новиот ирански лидер не биде по негова волја, тогаш „нема да трае долго“.
