Вести › Набрзинка

На Токсикологија може би се разбрале со директорката, кога таа би знаела македонски

22 април 2024
  • Економската директорка на Клиниката за токсикологија Бесија Иљази не дозволува да се вработат двајца дипломирани биолози и еден болничар, а упорно бутка да се вработат 18 лица на кои договорите за дело им истекле на крајот на декември.
  • „За шест години се сменија и министри и 5 директори. Секој си носеше свои кадри и стигнавме до 7-8 административци и 2-3 секретарки“, кажа д-р Нико Беќаровски, раководител на Одделението за интензивна нега на Клиниката.
  • Вели дека нема притисоци од директорката а и не може да има бидејќи таа не знае македонски.

  • Бесија Илјази на денешната прес-конференција одбила да се обрати на македонски јазик па новинарите ја напуштиле средбата.

извор

Стасаа сите танкери што поминаа низ Ормускиот теснец пред војната

21 април 2026
  • Последните танкери за нафта што поминаа низ Ормускиот теснец на 27 февруари - пред да почне војната на САД и Израел со Иран - стигнаа до своите дестинации.
  • Сега пазарот мора да ги троши 400-те милиони барели ослободени од стратешките резерви. Тие купуваат време и спречуваат непосредна катастрофа, но не го решаваат основниот проблем со снабдувањето.
  • Со оглед на тоа дека низ Ормускиот теснец пред војната поминуваа танкери со близу 20 милиони барели нафта на ден, стратегиските резерви се доволни да го надополнат тоа количество околу 20 дена.
  • Ако по некој случај денес биде отворен Теснецот, бродовите што ќе поминат ќе пловат до своите дестинации со недели, бидејќи се движат со брзина на точак. Тоа илустративно е објаснето тука.
  • Европа уште долго ќе ги чувствува последиците, бидејќи азиските земји панично ги купуваа товарите на нафта што вообичаено беа наменети за европските рафинерии. Алтернативата е да купува „северноморска“ нафта, чија цена е 149 долари за барел и е за 50% поскапа од нафтата „брент“.
  • „Ако војната и блокадата продолжат повеќе од три месеци, ќе се соочиме со сериозни проблеми со снабдувањето. Ќе мора да се рационализираат авионските летови, дизелот и течниот природен гас, предупреди Патрик Пујане, директорот на TotalEnergies.
извор

Киев денеска ќе пушти нафта до Унгарија, за да го добие заемот од ЕУ

21 април 2026
  • Украина најави дека уште денеска ќе го отвори нафтоводот Дружба, кој носи руска сурова нафта до Унгарија и до Словачка, за да ѝ овозможи на Европската Унија утре да го одобри заемот за Киев од 90 милијарди евра.
  • Унгарскиот премиер во заминување Виктор Орбан по поразот на изборите изјави дека ќе го повлече ветото за заемот веднаш штом неговата земја повторно почне да добива руска нафта преку Дружба, кој поминува преку украинска територија.
  • Кипарското претседателство со Советот на ЕУ го стави украинскиот заем на дневен ред на состанокот на 27-те амбасадори на ЕУ закажан за утре. Ако биде одобрен од сите членки, исплатата на средствата би можела да биде извршена во рок од една или две недели.
  • Заемот од ЕУ треба да ги покрие државните финансиски обврски на Украина во следните две години.
извор

Штета ако сте пропуштиле

Нешто да си купиш, сите да ги почастиш, и името да не го давате

Уличниот џедај и телекинезата

Invest in grammar

Порнхаб, меѓу нас е свршено