Вести › Набрзинка

На некои Бугари им здосади името Сандански

16 јануари 2024

Започнува иницијатива за враќање на старото име на градот Сандански во Бугарија.
Предлогот е да се врати старото име на градот, Свети Врач, кое во 1949 било сменето во Сандански по желба на тогашните про-советски комунистички власти.
Според иницијаторите, името Свети Врач носи повеќе содржина и историја за градот а се поврзува со двајца светци кои се почитуваат во источниот и католичкиот свет а лчокалното население негува култ кон нив.

извор

Нереди во Хаг по пресудата за Тачи

16 септември 2026

Стотици следбеници на Хашим Тачи го нападнаа Хашкиот трибунал и се судрија со полицијата, откако поранешниот лидер на ОВК беше осуден на 25 години затвор поради воени злосторства.

На плоштадот „Маливелд“ во Хаг полицијата била нападната со стапови и цигли, на што одговорила со бибер-спреј и солзавец.

Интервенирале и специјалните полициски сили, кои приведувале насилни демонстранти.

Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе. За воени злосторства се осудени и неговите соработници Јакуп Красниќи (25 години затвор), Кадри Весели (18 години) и Реџеп Селими (13 години).

извор

25 години затвор за Хашим Тачи

16 септември 2026

Хашкиот трибунал му изрече единствена казна од 25 години затвор на поранешниот лидер на ОВК, Хашим Тачи, поради воени злосторства на Косово, во периодот од април 1998 до јуни 1999 година.
Во казната ќе му бидат пресметани и шесте години што ги помина во притвор во Хаг.
Тачи е прогласен за виновен за 4 од десетте точки од обвинението за воени злосторства: за произволно лишување од слобода, за мачење, за сурово постапување и за убиства на 96 луѓе.
„Како главен командант и клучен политички лидер, тој имал ефективна контрола врз ОВК и учествувал во широко распространетиот и систематски напад врз цивилното население и неистомислениците“, објави судот.
Независно од оваа пресуда, против Тачи во Хаг почнува уште еден судски процес под обвинение за влијание и застрашување на сведоци во притворот, за што обвинителството бара уште 6 години затвор.
Со 25 години затвор e казнет и портпаролот на ОВК, Јакуп Красниќи. Кадри Весели доби 18 години, а шефот на оперативниот директорат Реџеп Селими 13 години затвор. Сите се прогласени за виновни за истите точки од обвинението.

извор