Вести › Набрзинка

На лицитација оди Мијалков но и Иснифарис Џемаили (?)

4 јули 2023

Директорот на Агенцијата за управување со одземен имот Дитан Небиу имал поддршка од министерот за правда за што поскоро, не само обелоденување, туку и извршување на некои случаи за конфискација.
Притоа го навел случајот „Империја“ за имотот на Сашо Мијалков, случајот „Труст“ или познат како Трансмет, како и стариот случај „Бачило“ во кој беше осуден овчарот Иснифарис Џемаили.
Мијалков се спогоди со обвинителството и доби три години затвор и конфискација на имот во вредност од 30 милиони евра и 6,1 милион за уделот во хотел Мериот, како и исплата за куќата во која живее.
Иснифарис Џемаили беше осуден бидејќи ја измамил државата наплаќајки ѝ 720 илјади евра за наводно гранатирано бачило во 2001 година.
45 запленети автомобили им биле дадени на институции; БМВ добила новинската агенција МИА.

6 март 2026

Атина ќе распореди систем за ракетна одбрана Патриот, борбени авиони ф-16 и воен персонал близу до Бугарија, за да ја зајакне нејзината заштита од евентуален напад од Иран.
„Една батерија Патриот ќе биде преместена на соодветна област во северна Грција за да обезбеди антибалистичка покриеност за голем дел од бугарската територија. Два авиони ф-16 ќе бидат издвоени во единствена мисија за дополнителна заштита на Бугарија“, соопшти Министерството за одбрана на Грција.
Бугарија објави дека не учествува во војната на САД и Израел против Иран. Сепак, присуството на американски борбени авиони на нејзина територија, како дел од вежби на НАТО, предизвика загриженост кај јавноста поради иранските контранапади врз воените сојузници на САД.
Атина веќе распореди системи Патриот и авиони ф-16 на Кипар.

6 март 2026

Доналд Трамп побара од Иран да се предаде без да поставува услови, непосредно откако иранскиот претседател објави дека имало обиди од некои земји да посредуваат за крај на војната.
„Нема да има договор со Иран освен безусловна капитулација! Потоа, и по изборот на велик и прифатлив лидер, ние и многу од нашите прекрасни и многу храбри сојузници и партнери, неуморно ќе работиме за да го вратиме Иран назад од работ на уништувањето и ќе го направиме економски поголем, подобар и посилен од кога било порано“, порача Трамп на својата социјална мрежа.
Трамп претходно во интервју за Ројтерс изјави дека бара лично да „помогне“ во изборот на нов врховен лидер на Иран, на местото на ајатолахот Али Хамнеи, кого САД го убија со првите проектили истрелани во војната.