Вести › Набрзинка

МПЦ веќе не е расколничка, ама не е ни македонска

10 мај 2022

Вселенската патријаршија ја призна за канонска „црковната јерархија предводена од архиепископот Стефан“. Потегот не значи томос за автокефалност, туку претставува објава дека црквата не е во шизма и раскол со православниот свет.
Тоа јасно покажува дека го исклучува терминот „македонски“ и кој било друг дериват на зборот „Македонија“, а името на црквата го признава како „Охридска“, пишува Ортодокстајмс, гласило на православниот свет кое се издава во Грција.
„Се остава на најсветата Црква на Србија да ги уреди управните прашања што ги има помеѓу неа и Црквата во Северна Македонија, секако во рамките на светоканонскиот чин и црковното предание“, порачува Вселенската патријаршија.
Руската православна црква излезе со став дека ги признава само канонските права на Српската православна црква во Северна Македонија.
„Скандал! Скопје ја украде Бугарската Охридска Архиепископија од Бугарија“, вреват бугарски теолози и медиуми.

извор

Украинец уапсен за саботажата на гасоводите во Балтикот

21 август 2025

Украинскиот државјанин Серхиј К. е уапсен во Италија поради сомневање дека ги координирал нападите врз гасоводите Северен Тек 1 и 2 во Балтичко Море во 2022 година.
Експлозиите на гасоводите за транспорт на руски гас до Германија и денес се мистерија. Никој никогаш не ја презел одговорноста. Москва и Западот меѓусебно се обвинуваат за саботажа. Украина категорично отфрла одговорност.
„Бомбашките напади врз гасоводите мора да се расчистат. Добро е што напредуваме во таа насока“, изјави германската министерка за правда Штефани Хубих.
Германските обвинители тврдат дека Серхиј бил дел од групата што ги минирала гасоводите на дното на Балтикот близу данскиот остров Борнхолм во септември 2022 година. Тие тргнале од Рошток со јахта што ја изнајмиле со фалсификувани документи.
Серхиј се соочува со обвинувања за противуставна саботажа и уништување витална инфраструктура. Германските обвинители распишаа меѓународна потерница и по друг член на саботерската група, идентификуван како Володимир З.

извор

„Балканкан“ прослави 20 години

21 август 2025

Со специјална проекција под ѕвездено небо на „Руфтоп опен ер синема“ во организација на Скопје сити мол и Синеплекс и во соработка со Кинотека на Македонија, синоќа беше одбележан големиот јубилеј – 20 години од премиерата на култната македонска црна комедија „Балканкан“ по сценарио и во режија на Дарко Митревски.
На настанот присуствуваше дел од филмската екипа, актерите Владо Јовановски, Ѕвезда Ангеловска, Ирена Ристиќ, Емил Рубен, ѕвездите од К15 – Васко Тодоров и Бранко Огњановски, сценографот на филмот Бујар Муча, костимографката Жаклина Крстевска, менаџерот на локации Роберт Јазаџиски и Зоран Ристески, продукциски менаџер, како и пријатели на филмот, и многу јавни личности од македонската сцена.
Режисерот Митревски, кој веќе 18 години живее и работи во Лос Анџелес и чиј филм ги урна сите рекорди на гледаност и ги обедини актерите од Македонија, Србија, Хрватска, Босна, Италија и Словенија, со видеопорака се обрати до присутната публика.