Вести › Набрзинка

Мерц ја олади Украина за ЕУ

29 јануари 2026

Германскиот канцелар јасно порача дека не доаѓа предвид сценарио по кое Украина би можела да пристапи кон Европската унија до 1 јануари 2027 година.
Фридрих Мерц порача дека сите кандидати, вклучително и Украина, мораат да ги исполнат строгите Копенхагенски критериуми, што се процеси и реформи кои траат со години.
Мерц нагласи дека Германија ја поддржува Украина на патот кон ЕУ, но предупреди на опасноста од создавање лажни очекувања кај украинската јавност.
Европската унија мора прво да спроведе внатрешни реформи, пред да прифати нови членки, порача Мерц.

извор

Нафтата повторно поминува преку Ормуз како пред војната

2 октомври 2026

Испораките на сурова нафта преку Ормускиот проток во изминатата недела се приближија речиси до нивото пред војната на САД со Иран. Разликата е што американската поморска блокада не дозволува транспорт на иранска нафта.
Според податоци на Kpler, седумдневниот просек на транзит во понеделникот достигнал 13,5 милиони барели на ден, колку што бил и во февруари од земјите од Персискиот залив, без Иран.
Извозот на Саудиска Арабија од 6,4 милиони барели на ден го надминал просекот од 5,4 милиони барели во 2025 година. Дел од својата нафта Саудијците извезуваат и преку Црвено Море.
Сепак, глобалната криза со гориво продолжува бидејќи протокот на рафинирани нафтени производи е 677.000 барели на ден, за разлика од 3,6 милиони барели пред да почне војната.
Русија и Кина објавија забрана за извоз на дизел. Со забрана за извоз се закани и американскиот претседател Трамп, кој ги притиска европските земји да почнат да ги користат своите стратешки резерви на гориво за да ги спуштат цените на бензинските пумпи.

извор

Пелети – историја на една многу добра идеја која пропадна

1 октомври 2026

Државата и општините со години ги убедуваа граѓаните да ги заменат старите печки со печки на пелети за да го намалиме загадувањето. За тоа се трошеа јавни пари.
Денес, пред почетокот на грејната сезона, вреќа од 15 килограми стигнува до 399 денари, цените често не се ни јавно објавени, а граѓаните масовно ги продаваат печките во кои некогаш беа поттикнати да инвестираат.
Каде пропадна добрата идеја? Државата ја субвенционираше печката. Горивото го заборави. Не е доволно да му помогнеш на граѓанинот да ја купи печката, а потоа да му кажеш дека горивото е работа на пазарот.

извор