Вести › Набрзинка

Меланија Трамп ќе го тужи Хантер Бајден за клевета

14 август 2025
  • Првата дама на САД се закани дека ќе бара отштета од 1 милијарда долари од Хантер Бајден, поради неговото тврдење дека педофилот Џефри Епстин му ја „наместил“ на Доналд Трамп.
  • „Епстин ја запозна Меланија со Трамп. Врските се широки и длабоки“, изјави синот на поранешниот американски претседател во интервју за Ендрју Калахан. Хантер Бајден се повика на новинарот Мајкл Волф, автор на критичка биографија на претседателот.
  • Овие тврдења се лажни, омаловажувачки, клеветнички и потпалувачки, објавија адвокатите на Меланија Трамп. Таа во писмо побарала од синот на поранешниот претседател јавно да ѝ се извини. Ако не, ќе го тужи и ќе бара отштета од повеќе од 1 милијарда долари поради „големата финансиска и репутациска штета што ѝ е предизвикана од лажното тврдење.
  • Словенечката манекенка Меланија Кнавс се запознала со Доналд Трамп на забава во 1998 година. Тој веќе живеел одвоено од својата втора сопруга Марла Мејплс, со која се разведе во 1999 година. Во брак се од 2005 година и имаат еден син - Барон Трамп.
извор

Пропадна дилот за мигранти на Британија и Франција

2 октомври 2026
  • Британија и Франција постепено ќе го укинат договорот за размена на мигранти според принципот „еден внатре – еден надвор“, бидејќи биле депортирани премалку лица.
  • Од склучувањето на договорот во август 2025 година па заклучно со 1 октомври годинава, во Франција биле вратени повеќе од 1.500 нелегални мигранти, а во спротивна насока биле префрлени нешто помалку од 1.500 легитимни баратели на азил во Британија.
  • Проценетите трошоци за шемата изнесуваат 56.000 фунти по вратен мигрант, што достигнува вкупна сума од околу 84 милиони фунти.
  • За споредба, во истиот период повеќе од 40.000 нелегални мигранти пристигнале во Обединетото Кралство со мали чамци.
  • Лондон бил подготвен да го продолжи договорот, но Париз одбил, со образложение дека сака шема за враќање на ниво на целата Европска Унија.
извор

Прв септември без урагани во Атлантикот во овој век

2 октомври 2026
  • Изминатиот септември беше првиот по 32 години во кој немало ниту еден ураган во Атлантикот. Ова се случило само три пати досега – во 1994, во 1972 и во 1962 година.
  • Просекот е 7 урагани во сезона, од кои 2 до 3 се во септември.
  • Аномалијата се смета за последица на пацифичкиот климатски феномен Ел Нињо, за кој се предвидува дека годинава ќе биде најсилен досега.
  • Оваа година може да биде првата без ниту еден ураган во Атлантикот откако во 1950 година почна да се води прецизна евиденција. Во просек во октомври се формира по еден ураган годишно, а повремено може да има и во ноември.
  • Најмалку, само по два, имало во 1982 и 2013 година.
извор

Штета ако сте пропуштиле

Мат Таиби за злосторничкото здружување „Влада, НВО-а и медиуми“

На што нè учеа родителите

Знаевме дека нема да се застанат само на ваучери

Драчевска таблица на овошје и зеленчук