Вести › Набрзинка

Мажите први одат

18 јуни 2026

Мажите во Македонија во просек умираат на 72.2 години, а жените на 76.6.
Лани починале 20.287 лица, што е за 0.4 % повеќе отколку во претходната година.
Доенчиња имало 0.3 % на 100 умрени лица, покажуваат податоците за морталитетот на Државниот завод за статистика.
Најмногу се умирало во јануари (2.002), а најмалку во април (1.506).

извор

Србија: Максимални затворски казни за родителите на масовниот убиец од Рибникар

18 јуни 2026

Виш суд во Белград им изрече максимални затворски казни на родителите на 16-годишното момче кое пред во мај 2023 година во своето основно училиште „Владислав Рибникар“ уби девет соученици и домарот на школото. Истрелал 45 куршуми од пиштол. Ранил уште пет деца и еден наставник.
Таткото Владимир Кецмановиќ е осуден на 14 години и 6 месеци затвор поради „тешко дело против јавната безбедност и занемарување и злоупотреба на малолетно лице“. Мајката Милијана е осудена на 2 години и 11 месеци затвор.
Апелациски суд претходно ја намали на 1 година домашен притвор казната на Немања Маринковиќ, инструктор во стрелачкиот клуб во кој Владимир Кецмановиќ го водел својот син да вежба да пука.
Бидејќи во моментот на извршување на делото убиецот имал 13 години, според српските закони против него не може да се води кривична постапка. По приведувањето е префрлен во Клиниката за неврологија и психијатрија за деца и младинци во Белград, под затворен медицински и полициски надзор.

извор

Кругман: SpaceX е како криптото на Трамп – ќе ќарат тие што на време ќе продадат

18 јуни 2026

Нобеловецот Пол Кругман го споредува растот на акциите на SpaceX со манијата на купување криптовалути што ја покрена Доналд Трамп.
Кругман тврди дека пазарната капитализација на компанијата на Илон Маск расте поради возбудата на пазарите, а не поради фундаментални фактори.
„Сè за SpaceX во суштина е во возбудата. Всушност, тоа е меме-акција од 2,75 билиони долари. Единствените победници ќе бидат оние кои влегоа рано, предизвикаа пазарна возбуда и ќе излезат пред дното неизбежно да падне“, додаде Кругман.
Првите сигнали за шпекулативна трговија се појавија вчера, кога акциите на SpaceX паднаа за 3%, откако во претходните денови ја зголемуваа вредноста за близу 20%.
„На својот врв, биткоинот имаше пазарна капитализација слична на онаа на SpaceX сега. Сепак, фактот дека биткоинот е економски бескорисен за ништо друго освен за перење пари значеше дека неговите зголемени вреднувања се темелеа на верувањето дека администрацијата на Трамп ќе им дозволи на компаниите за крипто ефикасно да работат како нерегулирани банки. Како што паѓа рејтингот и политичка моќ на Трамп, така опаѓа и вредноста на биткоинот. Но, оние кои рано се вклучија во трговијата и им ги продадоа своите акции на оние што веруваат во Трамп, заработија многу пари“, објаснува Кругман.

извор