- Македонија стана втората балканска држава која комплетираше тренинг на украински војници, објавува „Украинска правда“, повикувајќи се на интервју на министерката Славјанка Петровска, Европска Правда и Балкан Инсајт.
- Обуката на непрецизиран број војници била изведувана во објекти на АРМ а „Стани Цаци“ рекла дека таа ќе продолжи и во 2024 година „и колку што ќе треба“.
- Грција на Украина ѝ понуди обука за Ф-16 но не на нејзина територија (можат на наша, шо?), Словенија се вклучи во тренинг програмата но своите инструктори ги прати во Германија а хрватскиот претседател ја блокираше понудата на Владата за обука на украински војници во хрватските касарни и полигони.
- Најголем фаворит за нов папа е филипинскиот кардинал Луис Антонио Тагле, кого го нарекуваат „Азискиот Франциско“. Кладилниците му даваат 40% шанси дека ќе биде избран со двотретинско мнозинство на конклавата во Ватикан.
- Роден во 1957 година во семејство со кинеско-филипински корени, Тагле докторирал теологија во САД, во 2011 година бил назначен за надбискуп на Манила, а во 2012 година за кардинал. Од 2020 година е про-префект за евангелизација, најважното тело во Ватикан за мисионерските работи на Римокатоличката црква.
- Тагле се истакнува меѓу кардиналите со едноставниот стил и блиските односи со обичните луѓе, особено од маргинализираните групи, што му беа белези и на папата Франциско. Течно зборува филипински, италијански, англиски, шпански и француски јазик.
- Речиси подеднакви шанси за нов папа кладилниците му даваат на италијанскиот кардинал Пјетро Паролини, кој е државен секретар на Ватикан од 2013 година. Тој има големо дипломатско и политичко искуство и ја следи теолошката траекторија на Франциско.
- Поради строгата тајност на изборот и политичките игри во Ватикан, Италијанците предупредуваат дека е речиси невозможно да се погоди кој ќе биде нов папа. Тие имаат стара поговорка: Оној што влегува на конклава како папа, излегува како кардинал“.
- Папата Франциско ќе биде погребан в сабота во 10 часот со церемонија на плоштадот пред базиликата „Свети Петар“ во Ватикан, решија кардиналите во Ватикан.
- На погребот се очекува да присуствуваат многумина шефови на држави од светот. Своето присуство веќе го најавија американскиот претседател Доналд Трамп, аргентинскиот Хавиер Милеи, бразилскиот Луиз Инасио Лула да Силва и украинскиот Володимир Зеленски.
- Погребната миса ќе се одржи на отворено. Службата ќе ја води деканот на Колеџот за кардинали, Џовани Батиста Ре, а ќе сослужуваат патријарси, кардинали, архиепископи, бискупи и свештеници од целиот свет.
- Согласно неговата волја од тестаментот, Франциско ќе биде погребан во базиликата „Санта Марија Маџоре“ во Рим, а не во „Свети Петар“, каде што почиваат повеќето негови претходници.
