Вести › Набрзинка

Маѓар најавува крај на гостопримството за Груевски

14 април 2026

Петер Маѓар, лидерот на партијата Тиса која однесе убедлива победа на парламентарните избори во Унгарија порача дека неговата земја нема да биде депонија за странски криминалци кои добиле азил, притоа наведувајќи го и името на поранешниот македонски премиер Никола Груевски.
Прашан за евентуална екстрадиција на двајца поранешни полски функционери кои Варшава ги бара со меѓународна потерница, а кои добија азил во Унгарија (поранешниoт министер за правда на Полска, Збигњев Жибро и неговиот заменик на функцијата, Марцин Романовски), Маѓар самиот се осврна на Груевски.
„Мислам дека бев многу јасен по тоа прашање кога говорев претходно. Реков дека не треба да купуваат мебел во Унгарија од ИКЕА, бидејќи нема да останат долго. Унгарија нема да биде депонија за странски криминалци. И тоа не се однесува само на нив, туку и на г. Никола Груевски, поранешен претседател на Владата на Северна Македонија, кој, исто така, е престапник. Ова не е само затоа што е фер и праведно, туку очекуваме и од другите европски земји доколку кај нив има унгарски криминалци да ги екстрадираат во земјава, а во духот на европската соработка. Во таа насока им порачувам на господата Жибро и Романовски доколку нема што да кријат тогаш треба да си одат дома и да се соочат со правдата. Доколку сè уште не се заминале ние ќе ги екстрадираме во Полска“.

извор

Али Ахмети Ахмети маршираше во Приштина за екс лидерите на УЧК

12 септември 2026

Десетици илјади луѓе се собраа на плоштадите во Приштина на „Маршот за слобода“ за да дадат поддршка на припадниците на ОВК, пред објавувањето на конечната пресуда од страна на Специјализираните совети во Хаг во врска со обвиненијата за воени злосторства и злосторства против човештвото.
Пресудите за Хашим Тачи, Кадри Весели, Јакуп Красниќи и Реџеп Селими ќе се знаат за четири дена. Обвинителството бара секој од нив да добие казна затвор од 45 години.
Тие се во притвор во Хаг од ноември 2020 година. Обвинети се за прогон, убиство, мачење, злоставување и исчезнување на луѓе за време на војната во Косово во 1998 и 1999 кога биле убиени повеќе од 100 политички противници и претпоставени соработници на српските безбедносни сили, а стотици биле злоставувани во 50-ина логори управувани од ОВК.

извор

И во Хрватска се чудат на ПИСА тестовите, но, таму има уште нешто

12 септември 2026

Хрватските 15 годишници постигнале најлоши резултати во нивната историја, слично како нашите кои имаа катастрофални резултати од минатогодишните ПИСА тестирања (види: Пола од младите нема да можат да го разберат ова).
Ги секира што хрватските резултати од тестовите се далеку по просекот на земјите од ОЕЦД.
Нивната ситуација има еден чуден тренд: Хрватска е една од државите во кои се забележани најголеми разлики во резултатите на девојчињата и момчињата. Сите имаат потпросечни резултати, но девојките се бааги подобри од машките.
Што значи дека ако резултатите од ПИСА тестовите покажуваат заглупување на новите генерации, по тој пат хрватските девојчиња одат ама машките трчаат.

Види и: ПИСА тестирање - зошто се важни и локалните разлики?

извор