Вести › Набрзинка

МАГА гневни на Трамп заради војната за која никој не гласаше

28 февруари 2026

Претседателот Доналд Трамп се соочува со жестока реакција од неговото движење MAGA откако започна напад врз Иран за кој признава дека ќе може да однесе и американски жртви.
Нападот се случи само неколку часа откако ЏејДи Венс проба да ги смири стравувањата на приврзаниците на Make Amerika Great Again од уште еден конфликт на кој не му се гледа јасен крај.
Конгресменката на МАГА, Ана Паулина Луна, напиша на X: „Молете се за нашата земја. Молете се за нашите војници и нивните семејствa. Молете се за невиниот народ на Иран.“
„НИКОЈ НЕ ЈА САКА ОВАА ВОЈНА,“ напиша големиот фан на Трамп, контроверзниот Ендрју Тејт.

„Колку одвратно. F--- you, Mr. President“, напиша Мило Јанопулос.
И Ник Фуентес од крајната десница го потсетува Трамп на главното ветување на неговото движење: „Не за војна со Иран. Израел нè вовлекува во војна. Америка на прво место“.
Трамп ја започна војната без одобрение на Конгресот па наместо војна, ја нарече „голема воена операција.“ Им порача на Иранците да го срушат режимот откако тие ќе завршат: „Ова веројатно ќе биде вашата единствена шанса со генерации“.

извор

Америка и Израел не се сами во нападот на Иран

28 февруари 2026

„Стоиме со нашите американски сојузници во соочувањето со заканите кои ја поткопуваат стабилноста на Блискиот Исток“, порача министерот за надворешни работи и надворешна трговија, Тимчо Муцунски.
Муцунски ја нагласил важноста од заеднички пристап во одржувањето регионалната безбедност и стабилност.
Според него, САД укажале дека дипломатијата е секогаш прва опција, но дека одвраќањето останува неопходно кога постојат кредибилни ризици.

извор

Сенатори бараат крај на „идиотските“ и „нелегални“ напади врз Иран

28 февруари 2026

Демократскиот сенатор Тим Кејн ги осуди нападите врз Иран како „опасни, непотребни и идиотски“.
„Овие напади се колосална грешка и се молам да не ги чинат животите на нашите синови и ќерки кои се во униформа или се во амбасадите низ целиот регион... Сенатот треба веднаш да одржи седница и да гласа за Резолуцијата за воени овластувања за да се блокира употребата на американските сили во непријателствата против Иран. Секој сенатор треба јавно да се изјасни за оваа опасна, непотребна и идиотска акција“, изјави Кејн.
Сенаторот Едвард Марки го оцени нападот како „нелегален и неуставен“, затоа што не бил одобрен од Конгресот и носи ризик за сите Американци. „Дури и државниот секретар Марко Рубио призна дека Иран не збогатува ураниум... Ако Трамп не ја запре оваа војна сега, Конгресот мора. Крај на војната со Иран“, изјави Марки.
Рубио и директорот на ЦИА, Џон Ратклиф, на брифинг со политичките лидери на републиканците и демократите од Сенатот и Претставничкиот дом ги известиле за плановите за напад врз Иран, но не им дале целосен извештај зошто акцијата би била оправдана, изјавиле за CNN функционери од Вашингтон.

извор