- На Брач, Шолта и други хрватски места на Јадранот, оваа година хит се куќи кои не се блиску до море, но затоа имаат сè друго, првенствено раат.
- Обично се сместени среде маслинки, имаат базен и секакви други подогности, некои и своја бавча и мали кокошарници. Во договор со газдите, може секојдневно да биде доставувана свежа храна.
- Цените им се изгор (и до 500 евра на ден) но побарувачката е сè поголема бидејќи луѓето се подготвени да платат за мир, приватност и ќеиф, подалеку од „пешкир до пешкир“ местата.
- Напаѓач со автомобил удрил во пешаци и со нож прободел чувар пред синагога во Манчестер во која стотици верници го прославувале најголемиот еврејски празник Јом Кипур. Две лица загинале, а три се повредени.
- Полицајци го застрелале напаѓачот и повикале деминери за да проверат дали на телото имал поставено бомба.
- Истражители сметаат дека мажот дејствувал самостојно и дека неговата цел била еврејската заедница во Манчестер.
- Премиерот Кир Стармер наредил итно засилување на безбедноста на сите синагоги низ Британија. Итно го напуштил проширениот самит на ЕУ во Копенхаген и го свикал советот за национална безбедност Кобра.
- Илон Маск стана првиот „полубилионер“ во историјата. На листата на Форбс што се ажурира во реално време неговото богатство стаса до 500,1 милијарди долари, пред да се намали на 499,1 милијарди до затворањето на берзите.
- Богатството на Маск се зголемува благодарение на скокот на акциите на Тесла, кои во текот на оваа година пораснаа за 20%. Трамп поседува 12% од Тесла. Се зголемува и вредноста на неговите компании за вештачка интелигенција xAI и за вселенски истражувања СпејсИкс.
- Маск може да стане првиот билионер во светот ако го исполни пакетот од 12 услови за што го договори со акционерите. Ќе добие награда од 1.000 милијарди долари ако ја крене вредноста на Тесла на 8.500 милијарди долари, ако продаде 1 милион роботи со вештачка интелигенција и ако продаде 12 милиони автомобили Тесла.
