- Обединетото Кралство ќе ги зголеми трошоците за одбрана на 2,5% од БДП по 2027 година, односно на 3% од 2029 година, најави премиерот Кир Стармер пред посетата на Вашингтон. Тоа би значело дека буџетот за одбрана од сегашните 54 милијарди фунти ќе биде зголемен на над 67,4 милијарди.
- Стармер објасни дека целта на зголемувањата на трошоците е да ѝ се помогне на Европа да го засили сопствениот капацитет за одбрана по најавеното намалување на ангажманот на трансатлантскиот сојузник САД.
- За да обезбеди повеќе пари за одбрана, Британија речиси двојно ќе ги скрати средствата што досега ги издвојуваше за меѓународна помош - од 0,5 на 0,3 отсто од бруто-националниот производ. „Не сум среќен, но тоа е неопходно за да им се помогне на Украина и на Европа во новата ера“, изјави премиерот.
- Стармер ги повика и сојузниците од Европа да вложат повеќе средства во сопствената одбрана. Доналд Трамп, како лидер на доминантната земја во НАТО, побара од европските сојузници да ги зголемат трошоците за одбрана на 5% од БДП.
- Четворицата астронаути од мисијата „Артемис II“ на НАСА - Рид Вајсман, Виктор Гловер, Кристина Кох и Џереми Хансен - вчера беа подлабоко во вселената од кој било човек досега. Заобиколувајќи ја Месечината, тие беа oддалечени 406.778 километри од Земјата.
- Досегашниот рекорд (400.171 километар) го држеше екипажот на мисијата Аполо 13 од април 1970 година.
- Во моментите на прелетување, НАСА емитуваше снимена порака од Џим Ловел - астронаутот од Аполо 13, кој почина лани на возраст од 97 години: „Ова е историски ден и знам колку ќе бидете зафатени, но не заборавајте да уживате во погледот... со среќа и со Божја помош.“
- Летајќи 40 минути од скриената страна на Месечината, без радио-контакт со контролата на летот, астронаутите ја снимале површината и имале ретка можност да видат помрачување на Сонцето.
- Капсулата Орион сега се движи кон Земјата. Во петок треба да навлезе во атмосферата со 40.230 километри на час, побрзо од кој било лет со човечки екипаж досега, и да се спушти во Пацификот.
- Следната мисија Артемис 3 ќе тестира техники на спојување во ниска орбита, како подготовка за Артемис 4 во 2028 година, со прво спуштање на астронаути на Месечината по 1972 година.
- Доналд Трамп вели дека воената акција во крајна линија им помага на луѓето во Иран бидејќи „тие сакаат да слушаат бомби бидејќи сакаат да бидат слободни“.
- Убеден е дека Иранците не се на улиците за да протестираат како што се надеваа дека ќе биде израелските тајни служби, затоа што „ќе бидат застрелани од режимот“. Кога ќе им престане стравот и кога ќе имаат оружје, ќе излезат.
- За соборениот американски Ф-15, тврди дека Иранците имале среќа.
- Претходно, Иран го одби американсккиот план за примирје доставен преку Пакистан и понуди свој план од 10 точки порачувајќи дека не ги интересира примирје туку траен мир.
- Меѓу другите барања на Техеран се прекинување на регионалните непријателства, воспоставување протокол за безбеден премин низ Ормутскиот теснец, реконструкција на земјата и укинување на санкциите.
