Вести › Набрзинка

Крвни зрнца ќе пребројуваат ли?

29 мај 2023

Етничката припадност ќе се најде на изводите на родени, венчани и починати.
Со ова ќе може да се докаже етничката припадност со официјален документ. За секоја можна злоупотреба на етничката припадност може да се отворат и кривични постапки за лажно пријавување, вели министерот за правда, Кренар Лога.
Со ваков потег, оваа влада несакајќи им мава шамарчина на сите што во име на прогресивноста, зборуваат за флуидни идентитет. Ете, етничкиот не бил флуиден туку запечатен во книга на родените.
Дојде време да можеш пол да смениш, да не можеш племе да смениш.

извор

Работната група на Венс открила измами од 230 милијарди долари

9 август 2026

Специјалната оперативна група на потпретседателот Џ.Д. Венс, која ја наследи канцеларијата DOGE на Илон Маск, објави дека се откриени измами, корупција и непотребни трошоци за федералниот буџет во износ од 229,9 милијарди долари.
На годишно ниво биле спречени измами од 56,4 милијарди долари преку административни промени во правилата и суспензии на добавувачи. Во буџетот на САД биле вратени 55,5 милијарди долари преку правни обвиненија, граѓански парични казни и порамнувања.
Најмногу измами, во износ проценет на 122,9 милијарди долари, биле откриени во Администрацијата за мали претпријатија. Во системот за Здравство и социјални услуги имало измами од 96,2 милијарди долари.
Белата куќа на 6 август објави веб-страница на која може да се следат извештаите за откриените измами и заштедените пари. Канцеларијата DOGE на Маск водеше слична евиденција до јануари. Не е јасно дали дел од тие податоци се вклучени во вкупните износи наведени на новата веб-страница.

извор

Иран му постави на Трамп нови услови за Ормускиот проток

9 август 2026

Техеран им постави седум услови на САД за деблокирање на Ормускиот проток:
- Крај на заканите од Трамп за Иран;
- Траен крај на војната против Иран и неговите сојузници во Либан, Палестина, Јемен и Ирак;
- Укинување на поморската блокада на иранските пристаништа;
- Повлекување на американската војска од регионот;
- Исплаќање воена отштета;
- Укинување на сите санкции, и
- Безусловно ослободување на замрзнатите средства на Иран.
„Непријателот е принуден да ги прифати условите. Штом ќе го направи тоа, теснецот сигурно ќе биде отворен“, изјави портпаролот на Револуционерната гарда, Хосеин Мохеби.
Шефот на дипломатијата Абас Арагчи изјави дека се во завршна фаза преговорите со Оман за привремена заедничка навигација на бродовите низ Протокот. Тој, сепак, додаде дека договорот нема да гарантира отворање на Ормускиот проток. „САД ќе мора да платат, како компензација за прекршувањето на Меморандумот за разбирање потпишан во јуни“, изјави Арагчи.

извор