Министерството за правда во соопштение на скандалозен начин ја коментира заканата на лидерот на ВМРО-ДПМНЕ Христијан Мицкоски дека пратениците на оваа партија ќе го напуштат Собранието доколку на предлогот за амнестија му се стави европско знаменце.
„Што се однесува до најавите на Мицкоски за заминување од Собранието на пратеници на ВМРО-ДПМНЕ, тоа е добредојдена вест за граѓаните на нашата земја“, се вели во соопштението на Министерство за правда.
„Ова е поздравен гест од наша страна“, неписмено срочил дунстерот од Алијанса кому не му е јасно дека е скарадно некој од извршна власт да поздравува нечие заминување од парламент, патем не објаснувајќи која е тоа „наша страна“.
Данела Арсовска била вербално и физички нападната кога посетила објект во изградба кој немал потребни дозволи, каде се крадела струја и вода и за кој не биле платени никакви давачки.
Министерот за внатрешни работи Панче Тошковски вели дека физички контакт имало, но дека е лага и повторен обид за манипулација на јавноста тоа дека нападот се случил пред очите на полицијата.
Плусинфо објави снимка од надзорна камера која покажува друга верзија на настанот. „Данела Арсовска прва започнува со напад при денешната обиколка на дивоградби во Општина Чаир. Таа со клоци удира маж кој потоа и возвраќа со напад“, пишува порталот.
Наспроти ниската стапка на наталитет во речиси сите членки, Европската Унија сега има рекордно висок број жители поради „зголемените миграторни движења“ по пандемијата на ковид во 2021 година, покажуваат најновите статистички податоци.
„Од 2012 година наваму негативниот природен прираст во ЕУ е помал од позитивната миграција“, наведува Еуростат.
На почетокот на годинава ЕУ имала 450,4 милиони жители, што е апсолутен рекорд. Тоа е за околу 1 милион повеќе во споредба со 2024 и четврто по ред зголемување од година на година.
Од 1960 година населението на ЕУ се зголемило за 95,9 милиони, главно поради проширувањето со нови членки.
Денес најмногу жители има Германија (83,6 милиони), а најмалку Малта (0,6 милиони). Речиси половина од населението е концентрирано во Германија, Франција и Италија.
