- Првиот човек на најголемата украинска компанија за електрична енергија, ДТЕК, им порача на своите сограѓани ако можат веднаш да ја напуштат земјата за да ја спасат енергетската мрежа на Украина.
- „Ако можат да најдат алтернативно место за престој во следните три до четири месеци, тоа ќе биде од голема помош за системот,“ изјавил Максим Тимченко.
- Руските воздушни напади во последните месеци оштетија речиси половина од енергетскиот систем на Украина, а земјата веќе има редовни закажани и незакажани гасења на струјата.
- За Украина проблем е и предвоената соработка со Русите, кои сега целото свое знаење за украинската мрежа го имаат пренесено на руската војска, која благодарејќи на тоа може да извршува многу прецизни напади на клучни точки на мрежата.
- На татко од Исланд, надлежните социјални служби му го одзеле старателството над неговиот син затоа што негодувал околу идејата и планот за промена на неговиот пол.
- На Алексадре Роча, француски државјанин кој 25 години живее на Исланд не му било сеедно за долгорочните ефекти на блокаторите на пубертет и хормонските терапии кои се дел од „транзицијата“.
- Вели дека син му е збунет, дополнително трауматизиран од разводот на неговите родители и дека на тој пат го навеле „експерти“ кои за зафатиле со неговата емотивна и ментална нестабилност.
- Уште само ова: станува збор за дете од 11 години. Со аутизам.
- Администрацијата на Доналд Трамп испитува како врз економијата би се одразил можниот скок на цените на нафтата до 200 долари за барел. „Целта е да се осигури дека администрацијата е подготвена за сите непредвидени ситуации, вклучително и продолжен конфликт“, велат извори на Блумберг.
- Портпаролот на Белата куќа, Куш Десаи, го нарече извештајот „лажна вест“. Министерот за енергетика Крис Рајт на 12 март изјави дека поскапување на нафтата на преку 200 долари за барел е „малку веројатно.
- Суровата нафта од 200 долари би била огромен шок за светската економија. Тоа ниво, со пресметана инфлација, било достигнато само еднаш во последниот половина век - во 2008 година, непосредно пред глобалната финансиска криза.
- Блумберг предвидува дека ако нафтата достигне 170 долари за барел, тоа за неколку месеци ќе ја зголеми инфлацијата за САД и Европа и ќе го намали економскиот раст.
