Вести › Набрзинка

Кој купил акции на SpaceX на берза – изгубил пари

9 јули 2026

По првичниот астрономски раст, вредноста на акциите на SpaceX паднаа под нивото на кое почнаа да се продаваат на берзите.
Вчера, на првиот ден откако компанијата на Илон Маск беше вклучена во индексот Nasdaq-100, вредноста на акциите се намали за 6,8% и достигна 149,47 долари. Тоа е нешто под цената од 150 долари, со која почна тргувањето на 12 јуни.
Тоа ја одразува слабата доверба од инвеститорите во компанијата што лани оствари приходи од 18,5 милијарди долари и загуби од 5 милијарди.
Некои не ја губат довербата. „Морган Стенли“ го оцени плафонот на акциите на 300 долари, а „Дојче банк“ на 255 долари, тврдејќи дека „компанијата има јасна предност за распоредување на инфраструктура за вештачка интелигенција во вселената“ - недокажан концепт чие истражување може да потрае со години.
Максималната цена на акциите на SpaceX беше 225,64 долари, постигната на 16 јуни, четири дена откако се појавија на берзите. Во тој момент вредноста на компанијата достигна 2,65 билиони долари.

извор

Татко на денот: Мик Џегер

29 јули 2026

Пејачот на Ролинг Стоунс наполни 83 години и гордо се сликаше со својата вереничка и 9 годишниот син кој го има со неа, Деверо Џегер.
„Среќен роденден, љубов моја“, му напиша вереничката Мелани Хемрик. „За уште повеќе авантури, смеење и забава“.
Таа има 38 години но на секое прашање за разликата во годините меѓу нив, одговара: Тој е помлад од мене.
Уште кога беше помал, немаше сомневање дека Деверо е негов:

извор

Обвинет за криминал во Осломеј замина од Македонија со пасош вратен од судот

29 јули 2026

Борче Марковски, првообвинет во предметот за јавна набавка поврзана со дислокација на погонски станици од рудникот „Осломеј“ во РЕК „Битола“, замина од Македонија преку граничниот премин „Табановце“ откако Основниот суд во Струга му го врати пасошот.
Бизнисменот бил задржан за полициска проверка, но му било дозволено да ја премине границата бидејќи во системот немало активна мерка што го спречува да ја напушти државата. МВР соопшти дека полицијата постапува исклучиво според активните судски и други одлуки внесени во службените системи.
Претседателот на Основниот суд во Струга, Вулнет Винца, изјавил дека пасошот му бил вратен затоа што Марковски приложил гаранција во вредност поголема од пет милиони евра. Не можеле истовремено да важат и гаранцијата во имот и одземањето на пасошот.
Вечер пишува дека неофицијално, Основното јавно обвинителство во Струга се противело на враќањето на пасошот, додека позитивно мислење дало Вишото јавно обвинителство во Битола. Марковски е - битолчанец.

извор